«Մի ամբողջ ազգի կոլեկտիվ նվաստացումը». Լապշինն իր խոհերն է արտահայտել Ադրբեջանի մասին

Ադրբեջանի նախագահ Իլհամ Ալիևի կողմից ներում ստանալուց և Թել Ավիվ տեղափոխվելուց հետո՝ Բլոգեր Ալեքսեյ Լապշինը հանդես է գալիս ֆեյսբուքյան ակտիվ գրառումներով:

Նա իր հերթական գրառումը վերնագրել է՝ «Մի ամբողջ ազգի կոլեկտիվ նվաստացումը»:

Այս խորագրի ներքո Լապշինը մասնավորապես գրել է.

«Գիտե՞ք, ինչն էր ինձ ամենից շատ զարմացրել Ադրբեջանում: Ոչ անգամ վաղ իսլամական խալիֆաթի խավարամտությունը` վարագուրված ժամանակակից առևտրի կենտրոններով: Ինձ շշմեցրել է, թե ինչպես է ադրբեջանական ազգը նվաստացել իմ առաջ, աղաչելով, որ Սաշա Լապշինը ընդունի, թե Ղարաբաղն իրենց տարածքն է:

Ադրբեջանցիները բանաստեղծների ու վաճառականների ազգ էին, բայց վերածվել են, ցավոք, նյարդային ու քինախնդիր մարդկանց, ովքեր վստահ են, թե իրենց ազգի ճակատագիրը կախված է Լապշինից: Նրանք այնքան միջոցներ ու ջանքեր են վատնել դրա վրա, որ ես լինելով անհայտ ոմն բլոգեր, դարձել եմ Ադրբեջանում ամենաազդեցիկ դեմքերից մեկը: Աու, դուք`այդտեղ, նորմալ ե՞ք: Լուրջ մտածում ե՞ք, որ ես ինչ որ բան կարո՞ղ եմ լուծել Հայաստանի հետ ձեր կոնֆլիկտում

Ես այսօր առատաձեռն եմ և Ադրբեջանին հանձնում եմ Ալյասկան: Վերցրեք»,- հեգնել է Լապշինը:

Հիշեցնենք, որ բլոգեր Ալեքսանդր Լապշինը, ձերբակալվել էր 2016 թվականին Բելառուսում՝ Ադրբեջանի հարցման համաձայն: Պաշտոնական Բաքուն բլոգերին «սև ցուցակ»-ի մեջ էր ներառել առանց իրենց հետ համաձայնեցնելու Լեռնային Ղարաբաղի Հանրապետություն այցելելու պատճառով: