Հանրապետականներն իրենց պետք է կարգի բերեն. Էդմոն Մարուքյանը՝ Երևանի ավագանու նիստի միջադեպի մասին

ԱԺ «Ելք» խմբակցության պատգամավոր Էդմոն Մարուքյանը դատապարտում է այսօր Երևանի ավագանու նիստում հանրապետականների անբարեկիրթ վերաբերմունք Անահիտ Բախշյանի հանդեպ:

Պատգամավորը լրագրողների հետ զրույցում նշեց, որ ավագանու անդամները հանրապետականներին համարժեք պատասխան են տվել:

«Մեր ավագանու խմբակցության անդամներն ինչպես հարկն է` տեղն են դրել նրանց: Այն ոճով, որ իրենց պահում են Հանրապետականի ավագանու անդամները, այդ ոճով մերոնք չեն էլ կարող տեղը դնել, որովհետև ցիվիլ, կիրթ մարդիկ են, և դա է մեր ու նրանց միջև եղած տարբերությունը»,-

Նա նշեց նաև, որ հանրապետականներն իրենք իրենց ներսում պետք է քննարկեն տեղի ունեցածը և կարգի բերեն իրենց, հակառակ դեպքում վատ հետևանքներ կարող լինել:

«Նրանք խետք է  հասկանան, թե ում են բերել Հայաստանի թիվ մեկ քաղաքի ղեկավար: Մարդիկ խառնել են, թե ում հետ գործ ունեն: Մենք ունենք ավագանու` 15 հոգուց բաղկացած խմբակցություն, և մեր խմբակցությունն իր դերակատարումը շատ լուրջ ունի և շատ անելիքներ ունի, և դրանք հերթով կանեն»,- ասաց Մարուքյանը:

Հիշեցնենք, որ այսօր Երևանի ավագանու նիստում  «Ելք» և ՀՀԿ խմբակցությունների անդամների միջև վեճ էր տեղի ունեցել: Հանրապետականներից Արմեն Սահակյանը վատ է խոսել «ԵԼՔ» խմբակցության անդամ Անահիտ Բախշյանի հետ։«Ելք» խմբակցության անդամ Ալեն Սիմոնյանն էլ պատպանել էր Անահիտ Բախշյանին: