Կառավարությունը «քցող» է և բյուրոկրատ, երանի ջահել լինեինք, թողեինք-գնայինք երկրից, պրծնեինք (ֆոտո, վիդեո)

Այսօր կառավարության դիմաց, իրենց փոխհատուցումներն ստանալու պահանջով, հավաքվել էին «Հայկական ավիաուղիներ» ընկերության հաշմանդամ օդաչուները:

13 տարի հաշմանդամության թոշակ չստացող օդաչուները նկատում են. «Կառավարությունը հույս ունի, որ կմահանանք կամ կհուսահատվենք ու էլ չենք գա պայքարելու. անբարոյական է նման բան կարծելը»:

Օդաչուները NEWSPRESS.am-ի հետ զրույցում նշեցին, որ կառավարությունից այնքան էլ ակնկալիքներ չունեն, բայց նահանջել ևս չեն պատրաստվում.

«Կառավարությունը «քցող» է… մենք կառավարությունից շատ բան չենք ուզում, մենք խնդրում ենք, որ այս երկրում ընդունված օրենքներն աշխատեն, որ դրանք բոլորի համար լինեն հավասար գործող: Բայց կառավարությունը բյուրոկրատ կառավարություն է… երանի ջահել լինեինք, թողեինք-գնայինք, պրծնեինք էս երկրից:

Նախկին օդաչու, քաղաքացիական ավիացիայի թանգարանի հիմնադիր Ռազմիկ Գասպարյանն էլ նկատում է՝ բոլոր բնագավառների համեմատ, ամենաոտնահարվածը «Հայկական ավիաուղիներ»-ի օդաչուներն են:

Նա հիշեցնում է, որ այդ օդաչուների մեծ մասը պատերազմի մասնակիցներն են, սակայն այսօր այդ ամենն անտեսվում է:

Նա մեջբերում է Արցախի հոգևոր առաջնորդ Պարգև Սրբազանի խոսքերը. «Գիտեք, չէ՞, Պարգև Սրբազանին, իհարկե գիտեք, նա Արցախյան պատերազմի մասին ասել է՝ եթե չլինեին մեր հայ օդաչուները՝ մենք մեր ծոծրակը կտեսնեինք, Ղարաբաղի հաղթանակը չէինք տեսնի…ու թվարկում է օդաչուների սխրագործությունները: Բայց ինչո՞ւ այս ամենի մասին այսօր ոչինչ չեն խոսում: Լռում են»,-նեղսրտած ասում է Ռազմիկ Գասպարյանը:

Մանրամասները՝ մեր տեսանյութում