Կարեն Բոթոյանը կների՞ Սևանի քաղաքապետին և կպաշտպանի՞ նրա թեկնածությունը համայնքների միավորման ժամանակ

Ասում են քաղաքականության մեջ չկան հավերժական թշնամիներ և հավերժական բարեկամներ, քաղաքականությունը մնում է քաղաքականություն: Հայերս, սակայն, տաքարյուն ժողովուրդ ենք, և անախորժությունները, ատելությունը, վիրավորանքներն այդպես հեշտ չենք մոռանում:

Ինչպես երևում է, Սևանի քաղաքապետ Սարգիս Մուրադյանը կարողանում է իր քաղաքականությունը մշակել:

Ժամանակ առաջ բախվել էին ռեյտինգային թեկնածու Կարեն Բոթոյանի և Սևանի հացի գործարանի տնօրեն Աշոտ Ավետիսյանի կողմնակիցները: Թեև Կարեն Բոթոյանը հերքեց այս լուրը, սակայն ավելի ուշ հայտնի դարձավ, որ առճակատում եղել է: Ավելին, Սևանի քաղաքապետ Սարգիս Մուրադյանը պաշտպանել էր Աշոտ Ավետիսյանին:

Սա իհարկե արդեն Գեղարքունիքի մարզպետ դարձած Կարեն Բոթոյանի համար միմյանց նկատմամբ տարաձայնությունների լուրջ հիմք կարող էր լիներ: Սակայն, ո՛չ, պարզվում է Կարեն Բոթոյանն ու Սարգիս Մուրադյանը բավականին լավ հարաբերությունների մեջ են: Ավելին, գրեթե մտերիմ հարաբերություններ ունեն.

Ասել կուզի` Կարեն Բոթոյանը ներե՞լ է Սարգիս Մուրադյանի բոլոր մեղքերը…

Սևանի քաղաքապետ Սարգիս Մուրադյանը ՀՀԿ շրջանային կառույցի ղեկավարի տեղակալ Խաժակ Մուրադյանի որդին է: Նա «Սևան ազգային պարկ» ՊՈԱԿ-ի փոխտնօրենն էր, և այս կառույցի ղեկավարները փոխարեն զբաղվեին ազգային պարկի խնդիրներով` զբաղվում էին քաղաքականությամբ և փորձում կարգավորել Սևանի քաղաքապետի ընտրության հարցը:

Նշենք նաև, որ Սարգիս Մուրադյանի աները թե՛ Սևանում, թե՛ Սևանից դուրս «կովերու, ագարակներու տեր է», ասել կուզի` բազմաթիվ սեփական օբյեկտներ ունի. նա հայտնի թերակղզու Հակոբն է, ով քիչ դեր չի խաղացել փեսային առաջխաղացման գործում: Բացի այդ Սևանի քաղաքապետ դառնալու համար նրա աջակցել է ՀՀԿ-ականների` զգալիորեն կարկառուն և քրեական աշխարհի պակաս կարկառուն ներկայացուցիչներ:

Ի դեպ, Սարգիս Մուրադյանը Գեղարքունիքի նախկին մարզպետ Ռաֆիկ Գրիգորյանի թեկնածուն է եղել և մամուլը գրում էր, որ նրա կյանքի միակ լուսավոր կետը Սևան ազգային պարկի փոխտնօրենի պաշտոնն էր, որը նրա համար «հայթայթել են»:

Այժմ Սևանի քաղաքապետի համար աշխարհը շուռ է եկել. նա այժմ էլ պաշտպանում է Գեղարքունիքի մարզպետին, սակայն արդյո՞ք իրականում պաշտպանում է, թե՞ Կարեն Բոթոյանի աչքերին փորձում է իր ձևով թոզ փչել:

Մյուս կողմից էլ չի բացառվում, որ Սարգիս Մուրադյանը իրո՛ք «սիրում է» Կարեն Բոթոյանին, քանի որ 2018թ-ին համայնքների միավորման արդյունքում սպասվում են ընտրություններ և նրան անհարժեշտ է այդ «սերը»:

Եվ դրա համար, ասում են Սևանի քաղաքապետը գնել է Սևանի խանութներում վաճառվող լվացման պարագաների ողջ տեսականին:

NEWSPRESS.am