ԱՄՆ-ն կատարեց իր ձիով քայլը. Հոգլանդի հայտարարությունը փոխկապակցված էր Պուտին-Սարգսյան հանդիպման հետ. Աշոտ Գրիգորյան

Հարցազրույց Եվրոպայի հայկական միությունների ֆորումի նախագահ Աշոտ Գրիգորյանի հետ:

-Պարո՛ն Գրիգորյան, «Եվրոպական հայկական միությունների ֆորում»-ն ի՞նչպես է գնահատում  ԵԱՀԿ Մինսկի խմբի ամերիկացի համանախագահ Ռիչարդ Հոգլանդի՝ ԱՄՆ-ի կողմից արված հայտարարությունները:

-Մենք սպասում էինք, որ ամառը թեժ է լինելու Հարավային Կովկասի տարածաշրջանի հետ կապված, մասնավորապես արցախյան հարցի շուրջ. զարմանալիորեն շեշտադրումը կատարվեց ամառվա վերջին շաբաթվա օրերին:

Այն, որ Հոգլանդի հայտարարությունը փոխկապակցված էր Պուտին-Սարգսյան հանդիպման հետ` ակնհայտ է: Փաստորեն ԱՄՆ-ն կատարեց իր ձիով քայլը և փորձում է առավելագույնի հասցնել Հարավային Կովկասում լարվածությունը: Ինչպես ասում են` պղտոր ջրում ձուկ որսալու միտումով:

Հոգլանդի հայտարարության մեջ ոչ մի նորություն չկար և ջրի երես բերեց ՀՀ նախագահի բացառիկ թույլ դիրք ունենալու փաստը, որի շուրջ անընդհատ բարձրաձայնում են ՀՀ-ում և Սփյուռքում:

-Կարծում եք Հայաստանը կգնա փոխզիջումների:

-Մեր կարծիքով այս ոչ կոմպրոմիսային տարբերակը դրվում է բանակցությունների սեղանին` միտումով, որ Հայաստանը կառաջարկի իր փոխզիջումային տարբերակը, որն ամեն դեպքում կհանդիսանա Հայաստանի խայտառակ պարտությունը: Ասենք, կարելի է առաջարկել, որ տարածքների հանձնման դիմաց ոչ թե լինի Արցախի միջանկյալ կարգավիճակ տալու քայլը, այլ ենթադրենք ևս մեկ անգամ հանրաքվե անցկացվի, և կամ փախստականների վերադարձի հարցը հայկական կողմը կարող է շահարկել և պահանջել, որ հայ փախստակնները ևս վերադառնան իրենց բնօրրանը:

Այո, դրանով գործընկերների խաղաթղթերը մենք կարող ենք ժամանակավորապես խառնել, սակայն պետք է նաև հասկանալ, որ մեր բոլոր հակաքայլերը հաշվարկել են նաև դրսում` խաղի մասնակիցները և հնարավոր է նրանց կողմից պահանջների կոշտացում: Նման իրավիճակից դուրս գալու համար, մենք պետք է ունենայինք լեգիտիմ նախագահ և լեգիտիմ իշխանություններ, որոնց մեջքին կկանգներ ողջ աշխարհասփյուռ հայությունը, ներառյալը Հայաստանի ժողովուրդը:

Սակայն տվյալ իրավիճակում Սերժ Սարգսյանի վիճակը աննախանձելի է և նրա կողմից հնչեցվելիք ցանկացած փոխզիջումային տարբերակ սվիններով է ընդունվելու հայության կողմից:

Ահա այս իրավիճակում Սերժ Սարգսյանը շարունակելու է իր ներքին քաղաքական անփառունակ պայքարը և անլուծելի ճգնաժամի առջև է կանգենցնելու երկիրը:

-Իսկ ի՞նչպես եք գնահատում Պուտին-Սարգսյան հանդիպումը: 

Շատ հետաքրրական է, որ Պուտին-Ալիև հանդիպմանն անմիջապես հաջորդեց Պուտին-Սարգսյան հանդիպումը: Ի՞նչ շահերը է հետապնդում Ռուսաստանը, որը բազմաքայլ կոմբինացիաներով փորձելու է լուծել իր համար կարևրագույն կենաական խնդիրը. այն է` կարողանալ պահել Հարավային Կովկասում ստատուս-քվոն և չեզոքացնել ուկրաինականին համանմա Հարավային Կովկասում անկայուն իրավիճակ ստեղծոլու ԱՄՆ-ի ջանքերը:

-ԵԱՏՄ-ն Թուրքիայի և Ադրբեջանի առնչությամբ ծրագրեր ունի, դրան ի՞նչպես եք վերաբերում:

Կարծում եմ, որ ամենայն հավանականությամբ, Թուրքիայի կողմից տարվում է իրեն հատուկ խաբեբայության նոտաներ ընդգրկող դիվանագիտությունը, որի շնորհիվ Թուրքիան փորձելու է դիվիդենտներ շահել Եվրոմիությունից, քանզի նրանց հարաբերությունները հասել են վտանգավորության մակարդակի: Ավելի ծանր է Ադրբեջանի վիճակը, որը գտնվում է երկու քարի արանքում, կարծում եմ Ռուսաստանի նախագահը Սերժ Սարգսյանին բաց տեքստով պետք է հայտարարած լինի, որ Թուրքիայի նկատմամբ չկա վստահություն և պահանջի Սարգսյանից ամեն տեսակ զիջումներ, նկատի ունենալով, որ միևնույնն է Թուրքիան այդ զիջումներից չի կարող օգտվել: Խոսքը հայ-թուրքական անփառունակ արձանագրութունների շրջանակներում այն ստորագրելու պահանջն է, նաև հայ-թուրքական հարաբերությունների բարելավվումը, որից Հայաստանը միայն կարող է վնասել: Իհարկե, նաև պահանջվելու է Ադրբեջանից «խելամիտ» զիջումներ կատարել, որը նույնպես մեզ համար լինելու է անշահավետ և կործանարար:

Եվ ընդհանուր առմամբ, չնայած, ողջ ճակատներում ընթանում է պայքար Ռուսաստանի և ԱՄՆ-ի միջև, սակայն դիվանագիտական խողովականերով հավանական է, որ նրանք որոշ համընթաց քայլեր նախատեսել են, որը լինելու է Հայաստանի շահերին խիստ դեմ: Ահա այս անորոշությունների մեջ, երբ որ երկրին սպառնում է ներքին քաղաքական պայքարի թեժացում և նաև հնարավոր «Սասնա Ծռեր- 2», այս վիճակում Սերժ Սարգսյանը նախատեսում է հավաքել սփյուռքի և Հայաստանի իշխանամետ տարրերին` Հայաստան-Սփյուռք համաժողովում և փորձելու է իրականացնել իր «համահայկական հանրային խորհուրդ» ստեղծելու անփառունակ ծրագիրը:

Ինչո՞ւ անփառունակ, քանզի աշխարհասփյուռ հայությունն, ըստ էության, 90 տոկոսով ունի այլ կարծիք Սփյուռքի հետ համագործակցության շուրջ, որը կտրուկ տարբերվում է իրականացվող լուծումից: Այստեղ ամբողջովին երկրորդական է դառնում նաև իշխանական կոալիցիայի անդամ դարձած ՀՅԴ կամ ՀՅԴ-ի հայաստանյան մասնաճյուղի գործոնը և իր կտրուկ խոսքը պատրաստ է ասելու ՀՅԴ-ի խոշորագույն և կարևորագույն հատվածը` արտերկրի ՀՅԴ-ն:

-Պատրաստվո՞ւմ է արդյոք ԵՀՄՖ-ն արձագանքել իրավիճակին և ինչպես:

ԵՀՄՖ-ը չափազանց ինտենսիվ աշխատանքներ է տանում և արձագանքելու է իրավիճակին` բոլորին հայտնի մեր ծրագրերի իրականցման ուղով: Մենք պահանջում ենք երկրի տնտեսության հզորացում նախ արդյունաբերության վերականգնում մեր կողմից նախատեսված ներդրումային ծրագրերի շրջանակներում. առաջինը կենտրոնանալու ենք քիմիական արդյունաբերության և մասնավորապես Նաիրիտի վերականգնման խնդրի վրա: Զուգահեռաբար մենք կշարունակենք մեր պայքարը Հայաստանում գործող ոչ լեգիտիմ իշխանության դեմ, պահանջելով սրընթաց իշխանափոխություն: Անկասկած, շատ հզոր պայքար ենք նախատեսում հատկապես Եվրոպայում և Հայաստանի արտաքին քաղաքականության շուրջ երկրի շահերին համապատասխան քայլեր կատարելու և զուգահեռաբար երկրի ներսում ընթացող գործընթացներին կարգավորման շուրջ:

NEWSPRESS.am