«Մի դրդեք Արիանա Հովսեփյանին իսկապես ներգրավվել այս հարցում». Ալլա Լևոնյանի իրավաբանը հերքում է

Երգչուհի Ալլա Լևոնյանի կողմից ոստիկանությանը տված հաղորդումն առ այն, որ  Ֆեյսբուքի` Գայանե Մանուկյան անվամբ օգտատերը սպառնում է իր կյանքին և առողջությանը, դուր չի եկել Գայանե Մանուկյանին: ԱՄՆ–ում գործող Usarmenianews.com կայքի խմբագիր Մանուկյանը  Tert.am Life-ին հարցազրույց է տվել, որով նա հերքել է լուրերն այն մասին, որ ինքն սպառանեցել է Ալլա Լևոնյանին: Հարցազրույցում նա նաև նշել է, որ երգչուհուն ու նրա իրավաբան Էմիլ Մարկոսյանին «ուղղորդել»  ու իր «թակարդն» է գցել NEWSPRESS.am-ի հիմնադիր տնօրեն Արմենուհի (Արիանա) Հովսեփյանը:

Էմիլ Մարկոսյանը NEWSPRESS.am-ի հետ զրույցում հերքեց Գայանե Մանուկյանի տարածած այն լուրը, թե Արմենուհի Հովսեփյանը որևէ առնչություն ունի ծագած վիճակի հետ: Նրա խոսքով Արիանա Հովսեփյանը պարզապես «զրպարտության զոհ է»:

Այս մասին փաստաբանը գրել է նաև ֆեյսբուքյան իր էջում.

«Իմ մի օրվա լռությունս կարծես Գայանե Մանուկյանի և իր թիմակիցների համար առիթավորվելու առիթ հանդիսացավ…

Երեկ Tert.am-ին տված հարցազրույցին նա ասել է, որ չի վիրավորել Ալլա Լևոնյանին, նա հարգում է Ալլա Լևոնյանի երեք երեխայի Հայ մայր լինելու փաստը, սակայն այս նկարում պարզ երևում է նրա խոսքերի ճշմարտությունը և ինքնությունը: Գայանե Մանուկյանին կարող եմ հիշեցման կարգով մատնանշել առաջին իսկ օրվանից սկսած իր բազմաթիվ վիրավորանքները՝ ուղղված Ալլա Լևոնյանի և իմ անձի նկատմամբ:

Սիրելի և հարգելի ընկերներ՝ հետևությունները թողնում եմ Ձեզ, իսկ Գայանե Մանուկյանին ևս մեկ անգամ կոչ եմ անում զուսպ պահել իրեն և չանցնել բարոյականության սահմանները, չհրահրել մարդկանց փոխադարձ կոնֆլիկների, քանզի իր կողմից ներգրավված մարդիկ, որոնք իր խնդրանքով անվայել ու անբարոյական բառեր են գրում, նույնպես ընկել և դեռ ընկնելու են պատասխանատվության տակ: Պետք չէ մեր համեստությունն ու զսպվածությունը չարաշահելով ստիպել ու հասցնել այն աստիճանի, որ իր քայլերին ու պահվածքին համարժեք պատասխան հասցնենք նրան. ամեն ինչ ունի չափ և սահման:

Մինչ օրս Գայանեի հանդեպ դրսևորել եմ զսպվածություն, և համբերատար սպասել եմ նրա գիտակցության կողմից մարդկային որակների դրսևորում, սակայն մինչ օրս տեսնում եմ անհեթեթ և էժանագին սադրանքներ, որոնց դեռ չեմ արձագանքել:

Ինչ վերաբերվում է Արմենուհի Հովսեփյանին կամ այլ մարդկանց ու մարմիններին՝այս հարցում ներգրավելը կամ մեղադրելը, ապա ամենայն պատասխանատվությամբ հայտարարում եմ, որ բոլորովին չի համապատասխանում իրականությանը: Կոնկրետ Արմենուհի Հովսեփյանի այս հարցում ներգրավված լինելու փաստը կայանում է միայն նրանում, որ նա հարգում է ինձ և Ալլա Լևոնյանին, ու լուռ ու անտարբեր չի կարող լինել մեր հասցեին հնչեցրած բազմաթիվ վիրավորանքների, սպառնալիքների և այլ զրպարտությունների հանդեպ:

Հենց իսկ Գայանե Մանուկյանի շահերից ելնելով՝ նրան խորհուրդ եմ տալիս իսկապես չհասցնել և դրդել Արմենուհի Հովսեփյանին և այլ մարդկանց իրականում ներգրավեն այս հարցում: Բավական է ենթադրությունների արդյունքուն վիրավորել և մեղադրել անմեղ մարդկանց, ինչպես արել եք մեր նկատմամբ: Մենք նույնպես կարող ենք եզրակացնե,լ թե նա ում ծուղակն է ընկել կամ ինչ կազմակերպությունների, սակայն երբեք անհիմն մեղադրանքներ չենք հնչեցրել:

Միևնույն ժամանակ հայտնում եմ, որ այս ծագած պատմության մեջ ոչ պակաս ավելի մեղավորություններ ունեն ոմն Նուբար Ասլանյանը, որի հայրենասիրությունը և պարկեշտությունը սահմանափակվում է միայն համացանցում թևավոր խոսքերով:

Այսօր բազմաթիվ մարդիկ Ձեր քայլերի պատճառով տուժել են և տուժում են, իսկ փոխարենը լավ կլիներ՝ որպիսի Գայանե Մանուկյանը մի փոքր սթափ գիտակցի իր կատարած արարքների և հետևանքների մասին, որոնք ի նպաստ չեն իրեն և իր թիմակիցներին»,- գրել է Էմիլ Մարկոսյանը: