«ԵԿՄ Հայաստան» օգտատերը սպառնում է NEWSPRESS.am-ի հիմնադրին (լուսանկարներ)

«ԵԿՄ Հայաստան» այսպես է կոչվում այն ֆեյսբուքյան «ֆեյք» օգտատերը, որն ապառնացել է NEWSPRESS.am կայքի հիմնադիր, տնօրեն Արիանա Հովսեփյանին:

Վերջինս ֆեյսբուքյան նամակագրության միջոցով հայհոյել ու սպառնալիքներ է հնչեցրել Արիանա Հովսեփյանին՝ այն բանի համար, որ նա իր լրատվական կայքում, այսպես կոչված, «հակամանվելական» հոդվածներ է տեղադրում:

Այն, որ կայքն իսկապես համարձակ նյութեր է տեղադրում գեներալ Մանվել Գրիգորյանի ու նրա քաղաքապետ որդու՝ Կարեն Գրիգորյանի դեմ, երկրորդ կարծիք լինել չի կարող: Սակայն հարկ է նկատել, որ հոդվածներից և ոչ մեկում անհիմն մեղադրանքներ չեն հնչել և զրպարտություններ չեն եղել:

Այս դեպքում՝ երկուսից մեկը. կա′մ հիշյալ «ֆեյք» օգտատերը, «դոշ» տալով Մանվելի Գրիգորյանի ու նրա ընտանիքի համար, փորձում է էժան հեղինակություն ձեռք բերել «մանվելականնների» շրջանում, որի մասին հնարավոր է և «վերևներում» տեղյակ չլինեն, և կա′մ էլ՝ պարզապես այս «ֆեյք»-ը նպատակ ունի խաղալ Գրիգորյանների անվան հետ՝ է′լ ավելի սևացնելով այն:

Չի բացառվում նաև, որ այս «ֆեյք»-ը ստեղծվել է Գրիգորյանների կողմից ու շարժվում է նրանց հրահանգով, սակայն սա թերևս քիչ հավանական է:

Իրենց բազում բացասական հատկանիշներով ու բռնատիրական գործելաոճով հանդերձ` Գրիգորյաններն, այնուամենայնիվ, դժվար թե իջնեին «ֆեյք»-ի մակարդակի ու նման փողոցային պահելաձև դրսևորեին:

Ամեն դեպքում՝ նամակագրություն ամբողջությամբ NEWSPRESS.am-ի հիմնադիրը ուղարկել է Կարեն Գրիգորյանին, ու նրա համապատասխան արձագանքից հետո արդեն պարզ կդառնա, թե ով է «ԵԿՄ Հայաստան» անվան տակ «բզբզացող» «ֆեյք» օգտատերը:

ekm fayq

fayq

ekm