Բազմակարծության և գունագեղության հուշարձանը գնում է արձակուրդ
Սահմանադրական դատարանի նախագահ Գագիկ Հարությունյանն, ասում են, հեռանում է պաշտոնից, որքան էլ զարմանալի է։ Երկար տարիներ նա կոմունիստ էր՝ մինչև անկախությունը, անկախությունից հետո նա ՀՀՇ-ական էր, 1996թ-ից սատարում էր Ռոբերտ Քոչարյանին, 2008 թվականից հետո երդվյալ ՀՀԿ-ական էր։
Ի դեպ, նորանկախ Հայաստանի առաջին ԱԺ ընտրություններում հմուտ կոմունիստն իր հայրենի Կոտայքի մարզի Գեղաշեն գյուղը բերեց կապեց Գառնի համայնքին, որտեղից էր իր կինը և այդպիսով կնոջ հարազատների անվերապահ ջանքերով դարձավ պատգամավոր։
90-ականներին այդպես էլ անհասկանալի մնաց, թե ինչպես ՀՀՇ-ն երկրի երեսից ջնջեց կոմունիստներին, իսկ Գագիկ Հարությունյանին նշանակեցին ՀՀ գերագույն խորհրդի նախագահի տեղակալ, ՀՀ փոխնախագահ, նա նաև հասցրել է կատարել վարչապետի պարտականություններ, իսկ 1996 թվականից մինչև այսօր դեռևս Սահմանադրական դատարանի նախագահն է։
Նա հավանություն է տվել այս տարիներին տեղի ունեցած բոլոր ընտրություններին, որոնք, ինչպես գիտենք, խախտումներով են անցել։ Ինչպես ասում են՝ մեկ տեղը տեղին ընտրություն չենք ունեցել, իսկ ՍԴ-ն բոլոր ընտրությունները ճանաչել է արդար, թափանցիկ, վավեր, օրինական, երևի հայերենի բառարանում այլ համապատասխան բառ չկա, որ ցույց տա, թե ինչ օճառով են ՍԴ-ում հանգամանալից լոգանք ընդունում։
Այսքանից հետո, երբ մի քանի կուսակցություն փոխեց, երբ մի քանի անբարո ընտրություն բարոյական հռչակեց, այժմ էլ գնում է պատվավոր հանգստի և անբիծ կենսագրությամբ․ ահա այսպիսի տարօրինակ երկրում ենք ապրում։
Ի դեպ, կարողացավ խնամի-ծանոթ-բարեկամական կապերով ամրապնդել իր և իր ընտանիքի դիրքերը և այսքանից հետո է նա լքում «պոստը», թե չէ երաշխիք չկա, որ վաղը կամ մյուս օրը Գագիկ Հարությունյանի բոլոր-բոլոր մեղքերի համար նրան դատարանի դուռը կհասցնեն, կարճ ասած՝ նա իրեն ապահովագրել է։
Հետո էլ ասում են՝ մեր երկրում գույնզգույնների գործունեությունը և բազմակարծությունը չի ապահովվում, Գագիկ Հարությունյանն այն անձն է, ով փայլել է ծիածանի բոլոր գուներով, հայտնել է իրարամերժ և միմյանց հակասող կարծիքներ և նա ՀՀ միակ ՍԴ նախագահն էր։ Իսկ դուք ասում եք՝ չի կարող պատահել․ ինչպես ասում էին հայտնի ֆիլմում, պարզվում է՝ լավ էլ պատահում է։
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Ինձ համար հոգեպես շատ բարդ է ամեն անգամ ստանալ այս ատելության ալիքները․ բլոգեր HayDalek-ը հայտնել է ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Նկատեցի՞ք, COP17-ի գագաթնաժողովին ինչպես տեղ ու դադար չկա եվրոպացի առաջնորդների ներկայությունից. Ինչ...
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
«Քրքրեք՝ գտեք». Ինչ հրահանգ են ստացել Վեհափառին ուրացած հոգեւորականները. «Իրավունք»
