«Քուանշ չի, պետք է ասեմ՝ քյարփինջը կապույտ, պարո՛ն դատախազ». Փաշինյանը՝ գլխավոր դատախազին

«4 դրվագով քուանշ ունեմ հայտարարելու պարոն դատախազին»։

ԱԺ ում Գլխավոր դատախազության 2016թ-ի հաշվետվության վերաբերյալ ելույթ ունենալիս հայտարարեց «Ելք» խմբակցության ղեկավար Նիկոլ Փաշինյանը։

Դրանցից առաջինը վերաբերում էր «Մարտի 1-ի» գործին:

Պատգամավորը հիշեցրեց, որ դատախազը հայտարարել է, թե ամեն ինչ արվում է այս գործով, սակայն արդեն 3-րդ գլխավոր դատախազն է, որ հերթական նմանաբովանդակ հայտարարությունն է անում:

Փաշինյանը հիշեցրեց նաև ՊՊԾ գնդի գրավման գործով կալանավորված անձանց և Ժիրայր Սեֆիլյանի գործերը։ Նրանց հետ հարազատների տեսակցությունն արգելված է:

«Քուանշ, գլխավոր դատախազ»,-ասաց Փաշինյանը՝ մեջբերելով համապատասխան հոդվածը, որով մերձավոր ազգականները կարող են հանդիպել կալանավորներին:

«Սա հաշվեհարդար է, խոշտանգում է: Պարտադի՞ր է, որ եղունգները քաշեն: Բա անձնական հաշվեհարդարը պոզով-պոչո՞վ կենդանի է»,-նկատեց նա:

«Ելք» խմբակցության ղեկավարը հիշեցրեց, որ իրենք դիմել էին նաև Անդրիաս Ղուկասյանի խափանման միջոցը փոխելու որոշման և Հաց բերող Արթուր Սարգսյանի համար:

«Մենք ասացինք՝ մարդը մահանալու է, իր սենյակում նայել ենք աչքերի մեջ ու ասել դա: Ինչո՞ւ էին կրկնակի փորձաքննություն նշանակում, պարզ է, որ հաշվեհարդար են տեսնում։ Մարդը սիմվոլիկ կերպար էր»,-ասաց նա:

Մուս «Քուանշ»-ը վերաբերում էր կոռուպցիոն ռիսկերին։ Ըստ նրա՝ կոռուպցիոն հիմքերը զրոյացված են:

«Այստեղ չեմ կարող ասել քուանշ, պարո՛ն դատախազ, այստեղ պետք է ասեմ՝ քյարփինջը կապույտ»,- ասաց Փաշինյանը։