“Не годен” որակումը պաշտոնյաների համար հնչում է իբրև խրախուսանք
Բանակում չծառայելը Հայաստանի պաշտոնյաների ու նրանց որդիների համար մի տեսակ կարծես պատվաբեր է դարձել։ Եթե մի ժամանակ չծառայած տղային նույնիսկ աղջիկ չէին տալիս, ապա հիմա կարծես “не годен” որակումը պաշտոնյաների ու նրանց որդիների համար հնչում է իբրև խրախուսանք։
Ով և ինչի համար չի ծառայել բանակում՝ հարցին պատասխանելիս էլ պաշտոնյաներն արձագանքում են ցինիկաբար։
Այդպես օրինակ՝ Հանրապետական Հակոբ Հակոբյանն իբր տեղյակ չէ, թե իր որդին՝ «Արփա-Սևան» ԲԲԸ տնօրեն Պարույր Հակոբյանը, ինչու չի ծառայել։ Լրագրողներին հարցին նա պատասխանել է․«Ճիշտն ասած, մանրամասները չգիտեմ՝ իմ որդին ինչու չի ծառայել, բայց հաստատ գիտեմ, որ չի ծառայել, մնացածը ձեզ կարող եմ հետո տեղյակ պահել»։
Գյումրիի նախկին քաղաքապետ, այժմ «Ծառուկյան» դաշինքի պատգամավոր Վարդան Ղուկասյանն էլ նշել է, որ իր որդին առողջական հիմնավոր պատճառներ է ունեցել։ Պարզվում է՝ Սպարտակ Ղուկասյանը, ով հասցրել է աչքի ընկնել իր քրեական անցյալով, 18 տարեկանում «սպորտսմեն» է եղել ու մի քանի տեղից ջարդոտել է ոտքը, դրա համար էլ նրան բանակ չեն տարել։ Ու թեև ոտքը տարիների ընթացքում լավացել է, բայց Սպարտակը հեռատեսորեն մինչ այդ հասցրել է ջարդված ոտքով ամուսնանալ ու 2 երեխա ունենալ և ազատվել բանակից։
Ավելի հնարամիտ մոտեցմամբ ու առանց ավելորդ «ջարդվածքների» իր տղային բանակից ազատել է Տարածքային կառավարման նախարար Դավիթ Լոքյանը։ Նրա ոդին՝ Սերգեյ Լոքյանը, պարզվում է ալերգիա ունի «անտիբիոտիկ» դեղահաբերի նկատմամբ։
Թե քանիսն են էլի բանակից ազատվել «անտիբիոտիկ»-ից ալեգիա ունենալու պատճառով, վիճակագրական տվյալներ չկան։ Ամենայն հավանականությամբ, կրտսեր Լոքյանի ալեգիան ո՛չ թե «անտիբիոտիկների», այլ Հայոց բանակի նկատմամբ է։
Այնպես որ՝ այս պարագայում նրան չի օգնի նույնիսկ նրա կենսաբան ու քիմիկոս հայրը, քանի որ դեղահաբերն ու քիմիան անզոր են բանակի նկատմամբ ալեգիան բուժել։
Կրթության և գիտության նախկին նախարար, ՀՀԿ-ական Արմեն Աշոտյանն էլ ափսոսանք է հայտնել, որ չի ծառայել։ Նա պարզվում է՝ բժշկական ծառայության սպա է` դատաբժիշկ և ենթակա էր զորակոչի մինչև 35 տարեկան, բայց մինչ այդ նրա ծառայության կարիքը չի եղել։
Սակայն իր չծառայելու համար իբրև ափսոսացող Աշոտյանը, չի պատրաստվում լրացնել այդ բացը՝ իր տղաների միջոցով։ Համենայնդեպս նա չի պատասխանել իրենուղղված հարցին, թե պատրաստվո՞ւմ է արդյոք ինքը ծառայության ուղարկել իր տղաներին։
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Ինձ համար հոգեպես շատ բարդ է ամեն անգամ ստանալ այս ատելության ալիքները․ բլոգեր HayDalek-ը հայտնել է ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Նկատեցի՞ք, COP17-ի գագաթնաժողովին ինչպես տեղ ու դադար չկա եվրոպացի առաջնորդների ներկայությունից. Ինչ...
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
«Քրքրեք՝ գտեք». Ինչ հրահանգ են ստացել Վեհափառին ուրացած հոգեւորականները. «Իրավունք»
