Եթե մենք թույլ լինեինք, թուրքը վաղուց էր հարձակվել․ գեներալը լայնամասշտաբ գործողություններ չի կանխատեսում

«Միջազգային անվտանգության ասպետաց ակադեմիայի» նախագահ, գեներալ Արսեն Ֆիդանյանը ղարաբաղյան կոնֆլիկտի կարգավորման հարցում եռակողմ ու նույնիսկ երկկողմ բանակցությունների կողմնակից է։

«Թող նստեն, երկու երկրներով խոսեն ու ընդհանուր համաձայնության գան»,- ասում է գեներալը։

Նա NEWSPRESS.am-ի հետ զրույցում նկատում է՝ հայ զինվորը սահման է պահում, պաշտպանում է մոտավորապես 1000 կմ քառ․ տարածք, և ցավոք, կորուստներ լինում են, իսկ հարցի կարգավորման գործում նա կարևորում է բանակցությունները։

«Բանակցությունը երկրի հզորության նշան է։ Մենք քարտեզն արյունով գծեցինք ու պահեցինք այն, իսկ հիմա, եթե հզորացանք, ավելի ամուր կլինենք ու հաշվի կնստեն մեր երկրի հետ»,-նկատում է գեներալն ու հավելում, որ երկրի ու բանակի հզորացումը պայմանավորված է նրա տնտեսական առաջընթացով։

Նա առաջարկում է բանակը զարգացնել այնպես, ինչպես կոոպերատիվն է զարգանում, և ներկայացնում իր տարբերակները։

«Տարածքը լիքն է, ամեն ինչ կա՝ ցորենի արտեր, անասուններ․ պետք է տեր կանգնել։ Չեմ ասում՝ զինվորը ֆորման հագնի ու գնա հող մշակի ու բերք ստանա կամ կով պահի, բայց չոբաններ կան, դուրս են գալիս, թող այդ անասունին էլ նայեն՝ ծախսը կկրճատվի, և այդ գումարները կուղղվեն տեխնիկայի ձեռքբերմանը»,-ասում է գեներալն ու հավելում․«18 թվին ենք բանկա կախել ու էս տեխնիկայի դարաշրջանում, իրոք, չի սազում, որ սահմանը բանկաներով պահենք»։

Ամեն դեպքում նա լայնամասշտաբ գործողություններ չի կանխատեսում, քանի որ, նրա որակմամբ, թուրքը վախկոտ է։

«Եթե մենք թույլ լինեինք՝ թուրքը հիմա վաղուց էր հարձակվել։ Պետք է այնպես անենք, որ ջահել չկորցնենք, մեր ազատամարտիկների մեջ վրեժի ծարավ կա, ամեն մեկը քիչ բան չի կորցրել․․․ հայը երբեք տակ չի մնա։ Թուրքերը շատ են, ձեն չեն հանում, իսկ մեր ամեն մի զինվորի կորուստ մեր աչքին երևում է։ Այսօր ազատամարտիկները գործ չունեն, ազատ ման են գալիս, եթե բանակ ստեղծենք ու աշխատավարձը բարձրացնենք, է՛ թող առաջին դիրքը մենք պահենք»,-ընդգծում է Արսեն Ֆիդանյանը։

Մանրամասները՝ մեր տեսանյութում