Շավարշ Քոչարյանը համամիտ չէ Պյոտր Սվիտալսկու հայտարարության հետ

Այսօր, Ազգային ժողովում Հայաստանի արտաքին գործերի նախարարի տեղական Շավարշ Քոչարյանի ելույթից հետո «ԵԼՔ» խմբակցության պատգամավոր Մանե Թանդիլյանը հետաքրքրվեց, թե նա ի՞նչ կարծիք ունի Հայստանում ԵՄ պատվիրակության ղեկավար, դեսպան Պյոտր Սվիտալսկու  հայտարարության մասին։

Հիշեցնենք, որ ՀՀ-ում Եվրոպական Միության դեսպան Պյոտր Սվիտալսկու հայտարարություն էր արել Հայաստանում ընտրական համակարգերի բարեփոխումների և ԿԸՀ-ի կազմում քաղհասարակության ներկայացուցիչ ընդգրկելու վերաբերյալ։

«ԵՄ-ն 7 մլն եվրո է հատակացրել Հայաստանի ընտրական գործընթացների բարեփոխման համար, արդյո՞ք դեսպանի գնահատականը նշանակում էր այդ գումարի արդյունավետ օգտագործում»,-հարցերեց Ելք դաշինքի պատգամավորը։

Նրան արձագանքելով՝ Շավարշ Քոչարյանը նկատեց, որ մեր բոլոր համակարգերը կարոտ են բարեփոխումների։

«Ընտրական համակարգում նույնպես մի շարք բարեփոխումներ են եղել, սակայն դա չի նշանակում, որ վե՛րջ, այլևս խնդիրներ չկան: Ինչ վերաբերվում է Սվիտալսկու ելույթին, ապա նա ընդհանուր գնահատական չի տվել, ընդամենը առաջարկություն է արել, որը պետք է քննարկվի»,-ասաց արտաքին գործերի փոխնախարարը:

Վերջինս նկատեց, որ  Սվիտալսկին առաջարկում է ընտրական գործընթացում հանարային սեկտորի ընդգրկում։

«Այո՛, ես էլ եմ կողմ, որ հանրային սեկտոր ընդգրկվի, սակայն դժվար է պատկերացնել, թե հանրային սեկտորի գործառույթը որն է լինելու։ Այո՛, այն պետք է ներգրավված լինի, բայց վերահսկողական լիազորություններ ունենալու համար, իսկ եթե խոսքը ընտրական հանձնաժողովին է վերաբերում, ապա դա խնդրահարույց է»,-նշեց Շավարշ Քոչարյանը։