Կառավարությունը թերանում է․ Հայաստանը պետք է շարունակի կախված մնալ
Կառավարության նոր ծրագրի հիմքում դրված տնտեսական 5 տոկոսանոց վախվորած ու զուսպ աճը նշանակում է, որ Հայաստանը նորից պետք է շարունակի կախված մնալ տրանսֆերտներից և միջազգային շուկայի գներից, իսկ թե ինչ ենք վաճառում, հայկական սալորը:
Արձագանքելով ֆինանսների նախարարին՝ ասաց Ծառուկյան դաշինք խմբակցության պատգամավոր, տնտեսագետ Վարդան Բոստանջյանը:
Հիշեցնենք, որ խորհրդարանում քննարկվում է 2016 թվականի բյուջեի կատարողականը։
«Դրսից կախվածության պարագայում որևէ մեկը հարկաբյուջետային և դրամավարկային գծով չի կարող արդյունավետ աշխատել։ Երբ պետք է այս կախվածությունից դուրս գանք ու փրկվենք»,- իր հարցը ֆինանսների նախարարին ուղղեց Բոստանջյանը:
Պատասխանելով պատգամավորին՝ նախարար Վարդան Արամյանը նշեց, թե չի կարծում, որ 5 տոկոսանոց տնտեսական աճը շատ ցածր է:
«Նայեք համաշխարհային տնտեսության զարգացումներին, ցածր աճի ցիկլոնում ենք գտնվում: Այսինքն՝ ավելի մեծ աճ հնարավոր չէ, քանի որ ամբողջ աշխարհն է գտնվում ցածր աճի դաշտում: Արդյոք մենք ուզո՞ւմ ենք լինել երկիր, որի տնտեսությունը միայն տրանսֆերտով է աճում: Իհարկե ոչ, և կառավարության ծրագիրը հենց այդ մասին է, որ աստիճանաբար պետք է գնանք մեր տնտեսական կառուցվածքը փոխելուն, տնտեսական աճը պետք է գա արտահանման ոլորտից, արտահանում-ՀՆԱ ցուցանիշը պետք է աճի։ Ես չէի ասի, որ հիմա մենք կոլապսային վիճակում ենք․․․»,- նշեց նախարարը:
Բոստանջյանը նախարարին արձագանքեց․
«Մեր բախտը բերել է, որ տվյալ ֆինանսական տարվա պարտքի մարման ծավալը հավասար չէ պետական բյուջեի ծավալին: Հակառակ դեպքում ամբողջ պետական բյուջեում եղած միջոցները կտայինք էդ պարտքը փակելուն, և այդ տարի ՀՀ-ն չէր ունենա որևէ ոլորտում ապրելու հնարավորություն»,- ասաց պատգամավորը:
Վարդան Արամյանն էլ պատասխանեց․ «Թող մեծամտություն չհնչի, բայց ԱՊՀ երկրներում ՀՀ կառավարության անդամներն են տեխնիկական աջակցություն տրամադրում պարտքի կառավարման մոդելի և այլ հարցերով:
Արձագանքելով նախարարի այս հայտնությանը պատգամավորը հենգնաքով նկատեց․
«Եթե այդքան շնորհքով եք, ինչո՞ւ կուտակայինը դուրս տվեցիք, դուք կառավարեիք»,- հարցրեց Բոստանջյանը:
ֆինանսների նախարարն էլ խոստովանեց, որ այդ միջոցները կառավարելու հարցում ՀՀ կառավարությունը թերանում է:
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Իրանի արտաքին գործերի նախարարությունը զգուշացրել է տարածաշրջանի երկրներին
Լավրովը կոչ է արել Նիկոլ Փաշինյանին պատասխան տալ իր խոսքերի համար
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Արթուր Դավթյանի մայրը «լայքում է» Լևոն Քոչարյանին (լուսանկար)
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Գյումրեցի 18-ամյա լրագրողին ԱԱԾ-ն ձերբակակել է․ ընտանիքի անդամները շոկի մեջ են
Սյունյաց «ռեմբոներից» բան չմնաց. «Հրապարակ»
Զորակոչից մինչև ողբերգություն․ ի՞նչ է տեղի ունեցել զինվորի հետ. «Ժողովուրդ»
