ԱԺ-ն` փողոցային բարքերի հարթակ
ԱԺ-ում Կառավարության ծրագրի քննարկման ժամանակ Հանրապետական խմբակցության ղեկավար Վահրամ Բաղդասարյանին դուր չէր եկել, որ Ելք դաշինքի պատգամավորները, հատկապես «նորաթուխ» պատգամավորները, հեգնանքով էին գնահատականներ տվել կառավարության ծրագրին:
Ի դեպ, Վ. Բաղդասարյանը ցանակնում էր ավելին ասել, սակայն սահմանափակվեց` հիշեցնելով ԱԺ փոխնախագահ երջանկահիշատակ Վահան Հովհաննիսյանի խոսքերը, ով հայտարարել էր, թե. «Զգույշ եղեք, ձեզ դալաններում կծեծեն»:
Իհարկե, սա որոշակի ազդակ էր իր մեջ պարունակում, թե՛ նորաթուխ պատգամավորներին զսպելու, և թե՛ կառավարության ղեկավարին դուր գալու ենթատեքստով:
Իհարկե, Նիկոլ Փաշինյանը վճռական էր իր փոքր թիմին պաշտպանելու համար և, թեև ԱԺ նախագահ Արա Բաբլոյանը փորձում էր հանգստացնել, սակայն Վահրամ Բաղդասարյանը և Նիկոլ Փաշինյանը ԱԺ-ն վերածեցին կռվի դաշտի:
Գործը հասավ դիվանբաշուն` էլ շշով կտամ, էլ պադեզդում հարցեր պարզել. Կարճ ասած՝ իսկական բրուքլինյան ճակատամարտ:
Դժվար է հայրենի խորհրդարանից սպասել ավելին, որտեղ ազգի ընտրյալները նման կարգի վիճաբանություններով են շփվում միմյանց հետ` ԱԺ-ն վերածելով ո՛չ թե օրենքների քննարկման վայրի, որտեղ ազգընտիրները մտահոգ են երկրի ճակատագրով, այլ մտահոգ են սեփական անձը ԱԺ-ում ցուցադրելու:
Անկախ նրանից պատգամավորները ներկայանում են դիմադիր, թե ընդդիմադիրն՝ անհրաժեշտ է պահել շփումներում չափավորությունը, սակայն ինչպես ընտրություններն էին` ինչպես պատահի, այնպես էլ ընտրությունները ներկայացնողներն են` ինպես պատահի:
Իհարկե որակումներ արդեն կան` «փողոցային վիճաբանություն», դա իրոք ճիշտ է:
Տարիներ ի վեր ԱԺ-ն չի կարողացել ներկայացնել ընտրողների շահերը և այժմ էլ իր գործառույթը չի կարողանում իրագործել և այդ է պատճառը, որ ԱԺ-ն դարձել է փողոցի շարունակությունը, որտեղ նստում-կանգանում, ճաշում, նաև վիճում են, սակայն չեն զբաղվում այն հիմնական գործով, որին կոչված է:
Կարելի է կարծել, որ հարգարժան «ազգընտիրները» այսքանով կսահմանափակվեն, սակայն դա միայն կարծիք կլինի, քանի որ ԱԺ-ն դարձել է փողոցի շարունակությունը, ապա փողոցի բարքերը մշտական են, ինչպես փողոցը․ իսկ հայրենի ազգընտիրները այդ փողոցի հարազատ ու անբաժան մասն են` ինչպես արդեն բազմիցս ապացուցել են:
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Իրանի արտաքին գործերի նախարարությունը զգուշացրել է տարածաշրջանի երկրներին
Լավրովը կոչ է արել Նիկոլ Փաշինյանին պատասխան տալ իր խոսքերի համար
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Արթուր Դավթյանի մայրը «լայքում է» Լևոն Քոչարյանին (լուսանկար)
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Գյումրեցի 18-ամյա լրագրողին ԱԱԾ-ն ձերբակակել է․ ընտանիքի անդամները շոկի մեջ են
Սյունյաց «ռեմբոներից» բան չմնաց. «Հրապարակ»
Զորակոչից մինչև ողբերգություն․ ի՞նչ է տեղի ունեցել զինվորի հետ. «Ժողովուրդ»
