«Նի-կոլ…». Վահրամ Բաղդասարյանը մատ թափ տվեց Նիկոլ Փաշինյանի վրա

ԱԺ-ում Կառավարության ծրագրի քննարկման ժամանակ Հանրապետական խմբակցության և Ելք-ի պատգամավորների միջև փողոցային վիճաբանություն տեղի ունեցավ:

Հանրապետական խմբակցության ղեկավար Վահրամ Բաղդասարյանը՝ իր խոսքն ուղղելով Ելք խմբակցության պատգամավորներին, հիշեցրեց ԱԺ փոխնախագահ երջանկահիշատակ Վահան Հովհաննիսյանի խոսքերը, ով հայտարարել էր, թե. «Զգույշ եղեք, ձեզ դալաններում կծեծեն»:

«Նորաթուխ պատգամավորները հեգնանքով էին խոսում փորձառու վարչապետի մասին: Չի կարելի քաղաքական ամբիոնից նման հեգնաքով գնահատականներ տալ, այստեղ կառավարության ծրագիր է, լիակատար…»:

Նրան ընդհատեց Ելք պատգամավոր Նիկոլ Փաշինյանը, ինչը վերածվեց փոքրիկ բանավեճի: Աժ Արա Բաբլոյանը իզուր էր հորդորում նրանց հանդարտվել:

«Վահրամ… Նիկոլ… Նիկոլ…»,-սաստում էր մե՛կ Վահրամ Բաղդասարյանին, մե՛կ Նիկոլ Փաշինյանին՝ Արա Բաբլոյանը:

Վահրամ Բաղդասարյանը փորձում էր համոզել Փաշինյանին, որ խոսքը իրեն չէր վերաբերվում. «Դու նորաթուխ չես, դու բավականին փորձառու ես»,-ասաց Բաղդասարյանը և մատ թափ տվեց Փաշինյանի վրա:

Սակայն Փաշինյանը չեր հանդարտվում. «Նիկո՛լ, ասեցինք քո մասին չի, ինչի՞ ես բորբոքվում»,- Փաշինյանին դիմեց Բաբլոյանը:

«Ո՞նց իմ մասին չի…»,-ասաց Փաշինյանը:

Ինչին Բաղդասարյանը պատասխանեց. «Դե լավ, քո մասին ա…»

Փաշինյանն էլ իր հերթին հետ չմնաց. «… շշով կտամ, պադեզդի մակարդակ եք ուզում, եկեք գնանք… »,-ասաց Փաշինյանը՝ նկատի ունենալով Բաղդասարյանին, ինչին վերջինս պատասխանեց. «Կարգի հրավիրեք էս երիտասարդին»:

«Երիտասարդը դու ես»,-իր հերթին հետ չմնաց Փաշինյանը: