Ահազանգ․ քաղաքացու մեքենան անհիմն կերպով պահվում է ոստիկանությունում
Քաղաքացի Էդգար Ա․-ի մեքենան անհիմն կերպով պահվում է Աշտարակի ոստիկանական բաժանմունքում։ Այս մասին NEWSPRESS.am-ին ահազանգեց քաղաքացի Էդգար Ա․ն։
Նա նշեց, որ 3 օր առաջ Աշտարակի ոստիկանական բաժանմունքից զանգել են իրեն և մի քանի հարց են տվել իր մեքենայի վերաբերյալ, որից հետո հրավիրել են Աշտարակի ոստիկանություն։ Տեղում պարզվել է, որ մեքենան հայտնաբերել են Աշտարակի ձորում և քանի որ իր մեքենան է և իր անունով է գրանցված, զանգել են, հրավիրել բաժին։
«Ես մեքենաս արդեն 1 ամիս է՝ տվել եմ ընկերոջս։ Նա անձնական կարիքների համար այն օգտագործում էր և ես տեղյակ չեմ, թե մեքենան որտեղ էր կամ ով է եղել ղեկին։ Կարծում եմ՝ ընկերս»,- ասաց նա և հավելեց, որ Աշտարակի ոստիկանական բաժանմունքում նրանց փոխանցել է ընկերոջ տվյալները, սակայն նրան ասել են, որ պետք է գտնի մեքենայի վարորդին։
Էդգարը դիմում է գրել՝ մեքենան հետ ստանալու համար, սակայն մերժել են, որևէ հիմք չեն ներկայացրել մեքենան պահելու համար և որևէ արձանագրություն կամ որոշում չեն ներկայացրել։ «Կարծում եմ՝ իմ միջոցով ցանկանում են գտնել մեքենայի վարորդին, բայց դա ոստիկանության գործն է, ոչ թե իմ։ Ես անգամ չգիտեմ, թե նա որտեղ է»,- ասաց Էդգարը։
Նա հավելեց նաև, որ ներկայացել է բաժին փաստաբանի հետ, սակայն վերջինիս ոստիկանության բաժնի պետ Ա․ Երիցյանը չի ընդունել՝ նշելով, որ ինքն «օպերատիվ զրույց է վարում Էդգարի հետ»։
«Խախտվել է իմ թե′ սեփականության, թե′ իրավաբանական օգնություն ստանալու իրավունքը։ Կարծում եմ, որ ոստիկանությունը հետապնդում է մեկ նպատակ․ ցանկանում են իրենց փոխարեն կատարեմ իրենց իսկ աշխատանքը․ գտնեմ մեքնենան վարողին»,- ասաց նա։
Մահացել է բլոգեր Նուշիկ Օհանյանի ամուսինը
Երկարատև «աղմուկից» հետո Վանաձորի թատրոնի տնօրենն ազատվել է աշխատանքից
Փաշինյանը Պուտինի հետ հանդիպումից հետո անոնսել է իր առաջիկա այցը Մոսկվա
Ո՞վ է ԶՊՄԿ-ում մաhաgած աշխատակիցը
Ղարաբաղյան հակամարտության կարգավորումը կարող է զգալի առավելություններ բերել Հայաստանին․ Պուտին
ԱԱԾ-ի պադվալում տեղ են բացում․ նոր կալանավորումնե՞ր են սպասվում. «Հրապարակ»
«Կգնանք թեկուզ վաղը»․ Պուտինի ազդանշանը Փաշինյանին․ ի՞նչ կկորցնի Հայաստանը
Խարդախության նոր ալիք է, ուշադիր եղեք... մի պատասխանեք զանգերին
Ավինյան, ոտքերիդ տակն էի մաքրում, իմ տու՞նն ես քանդում, աղբանոցի մեջ ենք ապրում, դա էլ չեք թողնում. ...
Փաշինյանը Պուտինի հետ զրույցից հետո խոսեց ռուսերեն․ Մոսկվան Երևանին փակուղու առաջ է կանգնեցրել. Моск...
