Վենդետա՞․ Ալավերդիում սպանություն է տեղի ունեցել. «Փաստինֆո»

Քիչ առաջ հերթական սպանությունն է տեղի ունել Ալավերդիում. «Կատա» սուպերմարկետի հարևանությամբ կրակոցներ են արձակվել Ալավերդի քաղաքի բնակիչ, 39-ամյա Կամո Փիրուզյանի վրա և սպանել։ «Փաստինֆո»-ի տեղեկություններով՝ կրակոցներն արձակվել են ծաղկի խանութի ներսից, ապա կրակողը դուրս է եկել և դիմահար ևս երկու կրակոց արձակել՝ համոզվելու համար, որ նա սպանված է։

Կասկածյալը 26 տարեկան երիտասարդ է, ով բերման է ենթարկվել։ Նշենք, որ տուժողը երկու անձի սպանության գործով հետախուզման մեջ գտնվող Վ.Փիրուզյանի եղբայրն է, ով մեղադրվում է շուրջ մեկ տարի առաջ Ալավերդիում երկու անձի սպանության մեջ։

Ըստ մեղադրանքի՝ 2016 թվականի մայիսի 18-ի լույս 19-ի գիշերը, Ալավերդի քաղաքի Զ.Անդրանիկի 22-րդ շենքի բակում, կյանքից զրկելու՝ սպանելու դիտավորությամբ, հրազենից կրակոցներ են արձակվել Վարդան Ավագյանի և Էդուարդ Պողոսյանի ուղղությամբ։

Մանրամասները՝ սկզբնաղբյուր կայքում