Դե ֆակո գոյություն չունեցող Իրաքը նաև կդադարի գոյություն ունենալ դե յուրե

Իրաքյան Քրդստանն անկախանում է.
Իրաքյան Քրդստանում հեռարձակվող Rudaw հեռուստաընկերությունն այսօր հաղորդել է, որ 2017թ-ի սեպտեմբերի 25-ին Իրաքյան Քրդստանում կանցկացվի անկախության հանրաքվե: Ինքնավարության նախագահ Մասուդ Բարզանին այդ որոշումն ընդունել է տեղի քրդական կուսակցությունների ներկայացուցիչների հետ հանդիպումներից հետո: Որոշվել է նաև նոյեմբերի 6-ին Իրաքյան Քրդստանում անցկացնել խորհրդարանական և նախագահական ընտրություններ:

Իրաքյան Քրդստանի դե յուրե անկախացումը մեծ փոձոխություններ կբերի առանց այդ էլ անհանգիստ «Մեծ Մերձավոր Արևելք» և կխթանի քրդերի անջատողական շարժումներին հարևան Թուրքիայում, Սիրիայում և Իրանում:

Իրաքյան Քրդստանը փաստացի անկախացել էր Իրաքից 1991-ից ի վեր և ստացել էր բավական լայն ինքնավարություն: Լինելով Իրաքի մաս` իրականում պաշտոնական Բաղդադը գրեթե ոչ մի լծակներ չունի ազդելու Իրաքյան Քրդստանում տեղի ունեցող իրադարձությունների վրա, ով ունի նաև իր սեփական և բավական մարտունակ բանակը, որին մեծ օգնություն է տրամադրում ԱՄՆ-ն:

Իրաքյան Քրդստանի տարածքը ընդգրկում է Իրաքի հյուսիսը և հյուսիս-արևելքը ու կազմում է
40643 քառակուսի կիլոմետր, իսկ բնակչությունը՝ մոտ 5,5 միլիոն մարդ է: Իրաքյան Քրդստնաը հիմա համարվում է Իրաքի ամենազագացած տարածաշրջաններից մեկը: Նրա տարածքում են գտնվում նաև Իրաքի ամենամեծ՝ Քիրքուքի նավթային հորերը:

Իրաքյան Քրդստանի պաշտոնական անկախացումից հետո դե յուրե նաև կփոփոխվի այդ տարածաշրջանի երկրների սահմանները, որոնք անփոփոխ էին Երկրորդ աշխարհամարտից հետո, իսկ Իրաքն էլ կդառանա առաջին արաբական երկիրը, որը պաշտոնապես կկազմաքանդվի: Դե ֆակո գոյություն չունեցող Իրաքը նաև կդադարի գոյություն ունենալ դե յուրե: Իրաքյան Քրդստանի անկախացումից հետո, համոզված եմ, որ Հարավային Իրաքի նկատմամբ իր նկրտումները կսկսի հարևան Իրանը, քանի որ Բասրայի նավթով հարուստ տարածաշրջանը բնակեցված է շիաներով և Սադդամ Հուսեյնի տապալումից հետո տեղի շիաները բավական սերտ կապեր են հաստատել Թեհրանի հետ:

Որքան հասկանալի է, ԱՄՆ-ն անցել է իր «Վերահսկելի քաոս» ծրագրի երկրորդ փուլն իրականացնելուն. դե յուրե կազմաքանդելով «Մեծ Մերձավոր Արևելքի» երկրները և նրանց տարատքի որոշ մասում ձևավորելով իրեն ենթական նոր երկրներ:

Իրաքյան Քրդստանի դե յուրե անկախությունն էլ ավելի կմեծացնի Թուրքիայում բնակվող քրդերի կենտրոնախույս դրսևորումները,որն էլ ավելի կսրի ներքաղաքական իրավիճակը Թուրքիայում:

Քաղաքագետ Գագիկ Համբարյանի ֆեյսբուքյան էջից: