Վանաձորի քանդված փողոցներն ու «փիառշիկ» քաղաքապետը (լուսանկարներ)
Այն, որ Սերժ Սարգսյանը հիշել է իր նախընտրական խոստումները և վերջին օրերին հաճախ է «բարեգործություններ» անում, ակնհայտ է։ Սակայն, ակեղծ լինելու համար, պետք է նշենք, որ սա ոչ թե նախընտրական խոստում է, այլ ինչ-որ տեղ նաև նախընտրական կաշառք, քանի որ 2018թ․ որոշիչ է լինելու Սերժ Սարգսյանի համար։
ՀՀԿ-ն, այսինքն՝ խորհրդարանում հաղթած կուսակցությունը, որոշելու է վարչապետին, իսկ վարչապետի պաշտոնին հավակնում է նաև երկրի գործող նախագահը, ում «լինել-չլինելու» հարցն, ի վերջո, որոշվելու է Մելիք Ադամյանում։
Բայց հիմա սա չէ խնդիրը, այլ այն, որ որոշ համայնքների ղեկավարներ, օգտվելով հարմար առիթից, նախագահի «շռայլությունները» վերագրում են նաև իրենց։
Վանաձորի քաղաքապետ Մամիկոն Ասլանյանը ֆեյսբուքյան իր էջում զետեղել է հոդված, որի մեջ, մասնավորապես, նշված է, թե ՀՀ կառավարության պահուստային ֆոնդից կտրամադրվի 300 մլն դրամ՝ Վանաձորի ներհամայնքային ճանապարհների հիմնանորոգման համար։ Սա արվել է այն բանից հետ, երբ Վանաձորի վարորդներն ինքնաբուխ բողոքի ակցիա էին կազմակերպել քաղաքապետարանի դիմաց՝ պահանջելով շուտափույթ լուծել քաղաքի փողոցների վերանորոգման հարցը։
Վանաձորցիները հիշեցրել են քաղաքապետին «Վանաձորի նոր էջի» մասին։ Ու քանի որ վարորդներին վրդովել էին նորոգման համար կտրտված և այդպես էլ չլցված փոսերով ճանապարհները, ուստի օրեր անց քաղաքապետը ֆեյսբուքյան էջի պատին, ի գիտություն բոլորի, դնում է հոդված՝ «Նախագահի նախընտրական խոստումը կատարված է» վերնագրով։
Քաղաքապետը տեքստի տակ նաև մեկնաբանություն է թողել՝ հղում անելով մարզպետարանին․ «Նյութը տրամադրել է Լոռու մարզպետարանը»։ Սա մի կողմից կարող է շոյել մարզպետի ականջը (քանի որ նա էր նախագահին խնդրել ճանապարհների համար), մյուս կողմից՝ լավ փիառ է նախագահի համար (տեսե՛ք, նախագահի խոսքը՝ գործ է) և, ի վերջո, կհանդարտեցնի վանաձորցիներին ու ցույց կտա, որ Վանաձորի հին էջերը թերթել ու նոր էջի է հասել․․․
Այլ կերպ ասած՝ Մամիկոն Ասլանյանը կես դրույքով ստանձնել է նաև իր և իր վերադասների «փիառշիկի» պաշտոնը, որը, սակայն, հակառակ ազդեցությունն է արդեն ունենում։ Իրականում ոչ ոք ապուշ չէ, և բոլորն են տեսնում քանդված ու անմխիթար փողոցները, որտեղով անցնելիս՝ հետիոտններն ու վարորդները քայքայում են իրենց նյարդերը, մեքենաները՝ ջարդում «հետույքները», իսկ չինովնիկները՝ հաստացնում իրենց մարմնի համապատասխան մասերը՝ գուցե հենց նույն այդ փողոցների վերանորոգման համար հատկացված գումարներով։
15-20 տարվա անգործության արդյունքում ճանապարհները ո՛չ թե քայքայվել են, այլ, որպես այդպիսին, այլևս գոյություն չունեն։ Վանաձորցիները, այս հարցի լուծման հետ կապված, քաղաքապետի ո՛չ գեղեցիկ գրության ու ո՛չ էլ հատկապես նրա սուտ փիառի հետ մեծ հույսեր չեն կապում։ Նրանք որոշել են իրենք հանդես գալ նախաձեռնողի դերում։ Այս թեմայով սկսվել է ֆեյսբուքյան ֆլեշմոբ։
Օգտատերերը տեղադրում են լուսանկարներ կամ տեսաձայնագրություններ իրենց էջերում և մեկնաբանության մեջ գրում, թե որ փողոցում է տիրում այդ քաոսը։ Այս կերպ նրանք փորձում են պատկան մարմինների ուշադրությունը սևեռել խնդրին։ Թե որքանով այս ֆլեշմոբը, այսպես ասած, տեղին կարժանանա, կապված է նրա հետ, թե որքանով քաղաքապետն իր երեսը կդարձնի դեպի իր քաղաքն ու կզբաղվի ոչ միայն փիառով, այլև գործով։
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Իրանի արտաքին գործերի նախարարությունը զգուշացրել է տարածաշրջանի երկրներին
Լավրովը կոչ է արել Նիկոլ Փաշինյանին պատասխան տալ իր խոսքերի համար
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Արթուր Դավթյանի մայրը «լայքում է» Լևոն Քոչարյանին (լուսանկար)
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Գյումրեցի 18-ամյա լրագրողին ԱԱԾ-ն ձերբակակել է․ ընտանիքի անդամները շոկի մեջ են
Սյունյաց «ռեմբոներից» բան չմնաց. «Հրապարակ»
Մի խումբ քաղաքացիներ շրջափակել են «Hongqi»-ն․ փորձել են դուրս հանել վարորդին, հարվածել մեքենային
