Տնտեսական անգրագիտություն` ըստ ՊԵԿ Վարդան Հարությունյանի

Այսօր Պետական եկամուտների կոմիտեի նախագահ Վարդան Հարությունյանն այսօր ասուլիսի ժամանակ անդրադարձել է ադրբեջանական ներկրված խնձորների խնդրին և նշել է, որ ներկրողը կամ ներկրողները կաշառք են տվել մաքսավորներին և ներկրել, իսկ Սամվել Բաբայանի «Իգլայի» ներկրումը պարզվեց՝ «օրինական է»։

Հիշեցնենք, որ Սամվել Բաբայանը մաքսանենգ եղանակով Հայաստանի Հանրապետություն «Իգլա» տեսակի զենիթա-հրթիռային համալիր տեղափոխելու փաստի առթիվ հարուցված քրեական գործի շրջանակներում այս պահին ձերբակալված է 3 անձ, այդ թվում՝ ՀՀ քաղաքացի Սամվել Բաբայանը»։

Այս հաղորդագրությունը տարածել էր Ազգային անվտանգության ծառայության լրատվական բաժինը։

Ըստ ՊԵԿ-ի հայտարարության՝ Սամվել Բաբայանն ազնվորեն, առանց կաշառք տալու, որոշել է «Իգլա»-ն մաքսազերծել, ոչ միայն զնեք է ներկրել, այլև որոշել է մաքս վճարել դրա համար։ Այս քայլն արժանի է հարգանքի, քանի որ լոլիկ են ներկրում, գրում են՝ լոլիկ չէ, մեքենա են ներկրում՝ անունը դնում են երկաթ և այլն։

Սակայն այստեղ հարցն այլ է․ եթե ԱԱԾ-ն հայտնել է, որ մաքսանենգ ճանապարհով է ներկրել, դա նշանակում է, որ շրջանցել են մաքսակետը, սակայն ՊԵԿ-ն ակամա խոստովանել է, որ մաքսակետով են փորձել Հայաստան բերել «Իգլա»-ն։

Նշենք, որ «Ազատության» հետ զրույցում Սամվել Բաբայանի փաստաբան Ավետիս Քալաշյանն ասել է․ «Սամվել Բաբայանին մեղադրում են նրանում, որ իբր նա պատվիրել է՝ ձեռք բերել այդ զենքը, խոստացել է դրա համար դրամական գումար: Խմբի կողմից այն մաքսանենգ ճանապարհով Վրաստանից բերվել է Հայաստան»։

Ամենայն հավանականությամբ, Վարդան Հարությունյանը չի տիրապետում «Իգլա»-ի վերաբերյալ տեղեկատվությանը, նրան երևի մոռացել են զեկուցել, որ ի լուր աշխարհի հայտարարել են, որ «Իգլա»-ն մուտք է գործել Հայաստան մաքսանենգ ճանապարհով, որը նշանակում է՝ կա′մ կաշառք են տվել մաքսավորներին, որոնք նրան մատնել են, կա′մ Թբիլիսիի շուկայից՝ Վրաստանի լեռներով-ձորերով «Իգլա»-ն բերել և տեղ չեն հասցրել։

Չի նշվում, թե հատկապես «Իգլա»-ն որտեղ են հայտնաբերել։

Ինչպես երևում է, ՊԵԿ նախագահին գցել են թյուրիմացության մեջ՝ կա′մ նա չի կարդում ԱԱԾ հաղորդագրությունները, կա′մ նրան ենթակաները սխալ տեղեկություններ են հաղորդել։ Վարդան Հարությունյանը պետք է ավելի լավ պատրաստվեր ասուլիսին, քան է․ դա էլ հո գազի գրասենյակը չէ՞՝ ինչ թիվ ուզեն` գրեն, սահմանից կրկնակի թանկ գազ վաճառեն ժողովրդին ու հարստանան, կամ գազի հետ չգիտեմինչ խառնեն՝ գազի տեղ վաճառեն ու էլի հարստանան․ պետք է ՊԵԿ նախագահը մեկ-մեկ էլ ԱԱԾ կայքը կարդա՝ ասուլիսին տնտեսական անգրագիտությամբ չփայլելու համար։

NEWSPRESS.am