Լրագրողները գնացին ընձառյուծի հետքերով․ տեղեկատվական արշավ

2002թ-ից WWF-Հայաստանն իրականացնում է «Ընձառյուծի պահպանությունը Հարավային Կովկասում» ծրագիրը, որի նպատակն է երկրում պահպանել ընձառյուծի այն մի քանի առանձնյակները, որոնք Հայաստան են տեղափոխվել Իրանից։

Առայժմ դժվար է ասել՝ նրանք հիմնականում բնակվում են Հայաստանում, թե պարզապես շրջում են Հարավային Կովկասում։ Մասնագետները նշում են, որ ընձառյուծներին դժվար է տեսնել, քանի որ նրանք շատ զգուշավոր են և խուսափում են մարդկանցից։ Այս կենդանիներին ֆիքսել են ֆոտոթակարդները, որոնք էլ հիմք են հանդիսացել կենդանու պահպանության համար։

Ծանոթանալու համար հովազի ապրելավայրերին, WWF-Հայաստանը և Էկո-մեդիա ցանցը կազմակերպել էին լրագրողների այց Խոսրովի արգելոց՝ «Ընձառյուծի հետքերով» տեղեկատվական արշավը։

Եվ չնայած լրագրողներն ընձառյուծի չհանդիպեցին, սակայն կարողացան տեսնել բեզոարյան այծերին, որոնց թվաքանակի ավելացումը մասնագետներին հույս է տալիս, որ ընձառյուծներն ինչ-որ ժամանակ կհաստատվեն Հայաստանում։

Նշենք, որ յուրաքանչյուր առանձնյակ զբաղեցնում է 30 հազար հա տարածք, և որպեսզի կենդանին հաստատվի, բացի կերային բազայից, անհրաժեշտ է նաև ավելացնել պահպանվող տարածքների քանակը։ Այս տարի փետրվարին «Արևիկ» ազգային պարկի տարածքում տեղադրված ֆոտոխցիկը ֆիքսել է ընձառյուծի ձագի, որն էլ հիմք է տվել մասնագետներին խոսելու ընձառյուծի վերարտադրության մասին, Խոսրովի արգելոցում ևս ընձառյուծ են տեսել։

նայած պահպանությանը՝ ընձառյուծները ևս հայտնվում են որսագողերի թիրախում։

Կարմիր գրքում գրանցված կենդանատեսակի որսն արգելվում է, իսկ ապօրինի որսի դեպքում տուգանքի չափը 3 մլն դրամ է կազմում, արգելոցային վայրերում՝ 15 մլն դրամ։

Կենդանիների շարժը հսկելու համար արգելոցի տարածքում կան ֆոտոթակարդներ, որոնցից մեկը լրագրողների ներկայությամբ տեղադրեց WWF-Հայաստանի ներկայացուցիչ Ալեքսանդր Մալխասյանը։

Նշենք, որ հաճախ ֆոտոթակարդներին այլ կենդանիներ են մոտենում, հետաքրքրվում, նաև վնասում են սարքերը։

Նշենք, որ ընձառյուծի որոշակի քանակ կա Ադրբեջանում, իսկ հիմնական ապրելավայրն է Իրանը։

NEWSPRESS.am