10 զոհ, 50 վիրավոր. Իրավապահները կասկածում են՝ Սանկտ-Պետերբուրգի պայթյունն ահաբեկչություն է

Նախնական տեղեկություններով՝ Սանկտ-Պետերբուրգում մետրոյում տեղի ունեցած պայթյունների հետևանքով 10 մարդ է զոհվել: Այդ մասին հայտնում է «Ինտերֆաքս» գործակալությունը՝ վկայակոչելով իր աղբյուրին:

«Նախնական տվյալներով՝ 10 մարդ է մահացել, մոտ 20-ը ստացել են մարմնական վնասվածքներ, հիմնականում բեկորային»,- ասել է աղբյուրը:

Նա հայտնել է, որ տուժածների մի մասին անհրաժեշտ է վագոններից դուրս բերել հատուկ տեխնիկայի օգնությամբ:

Ավելի վաղ մետրոպոլիտենի մամուլի ծառայությունը հաստատել էր պայթյունի մասին լուրերը:

ՏԱՍՍ գործակալությունն իր հերթին հղում անելով նահանգապետի մամուլի քարտուղար Կիբիտովին՝ գրում է, որ տուժածների թիվը 50 է: Նրանց տարհանման համար նաև ուղղաթիռներ են կիրառվում:

Նշենք, որ պայթյունները  տեղի է ունեցել «Сенная площадь» և  «Технологический институт» կայարաններում:

Իրավապահները կասկածներ ունեն, որ կատարվածն ահաբեկչություն է: