ԿԸՀ-ն հրապարակել է ընտրությունների նախնական արդյունքները (լուսանկար)

Կենտրոնական ընտրական հանձնաժողովը հրապարակել է Ազգային ժողովի 2017թ. ընտրությունների բոլոր՝ 2009 ընտրատեղամասերից ստացված նախնական արդյունքները: Ըստ այդմ՝ Հանրապետական կուսակցությունն առաջատարն է՝ ընտրողների ձայների 49,15 տոկոսով:

Մնացյալ ուժերը ստացել են համապատասխանաբար հետևյալ քանակությամբ ձայներ.

«Ելք» դաշինքը ստացել է 121 997 ձայն կամ 7,78%

«Ազատ դեմոկրատները»՝ 14 740 ձայն կամ 0,94%

«Հայկական վերածնունդ» կուսակցությունը՝ 58 274 ձայն կամ 3,72%

«Ծառուկյան» կուսակցությունների դաշինքը՝  428 892 ձայն կամ 27,35%

Կոնգրես-ՀԺԿ կուսակցությունների դաշինքը՝ 25 973 ձայն կամ 1,66%

Հայաստանի Կոմունիստական կուսակցությունը՝ 11 742 ձայն կամ 0,75%

«Օհանյան-Րաֆֆի-Օսկանյան» կուսակցությունների դաշինքը՝ 32 487 ձայն կամ 2,07%

«Հայ Յեղափոխական Դաշնակցություն» կուսակցությունը՝ 103 148 ձայն կամ 6,58%

Այս տվյալներով՝ խորհրդարան է անցնում 4 ուժ՝ Հայաստանի Հանրապետական կուսակցությունը, «Ծառուկյան» կուսակցությունների դաշինքը, «Ելք» դաշինքը և «Հայ Յեղափոխական Դաշնակցություն» կուսակցությունը:

Հիշեցնենք, որ խորհրդարան անցնելու համար կուսակցություններին անհրաժեշտ է հավաքել ընտրողների ձայների 5 տոկոսը, դաշինքներին՝ 7 տոկոսը: