Իշխանությունները որոշել են ապագա խորհրդարանի կազմը
ԱԺ ընտրություններից առաջ կանխատեսումներն ընտրությունների ելքի վերաբերյալ տարբեր կտրվածք ունեն։ Նախ պետք է տեղյակ լինել, թե ով է կանխատեսվող ընտրությունների հետևում կանգնած։
Օրինակ՝ այսօր «Սոցիոմետր» սոցիոլոգիական կենտրոնի ղեկավար Ահարոն Ադիբեկյանն ասել է, որ ըստ «Սոցիոմետր» սոցիոլոգիական կենտրոնի վերջին հարցումների՝ ընտրողների 38 տոկոսը ձայնը տալու է ՀՀԿ-ին, 33 տոկոսը՝ «Ծառուկյան» դաշինքին:
Նա նաև կանխատեսել է, որ ՀՀԿ-ն կարող է հավաքել ընտրողների ձայների 45,5 տոկոսը, «Ծառուկյան» դաշինքը՝ 35,5 տոկոսը, ՕՐՕ, «Ելք» դաշինքները, «Հայկական վերածնունդ», ՀՅԴ կուսակցությունների ձայները տատանվում են 2.5-5.4 տոկոսի սահմաններում, որը միասին կազմում է 24,5 տոկոսը, իսկ «Կոնգրես-ՀԺԿ» դաշինքի և «Ազատ դեմոկրատներ» կուսակցության օգտին ձայները տատանվում են 1.5-1.8 տոկոսի սահմաններում։
Ահարոն Ադիբեկյանի կանխատեսումներով՝ առաջին երկու տեղերը ՀՀԿ-ինն ու «Ծառուկյան» դաշինքինն են։
Խոսքն այն մասին չէ, որ Ահարոն Ադիբեկյանը հայտնի է Սուդիբեկյան պատվանունով, և նրա կանխատեսումներին՝ հատկապես քաղաքական, միայն անտեղյակներ են հավատում։ Նա համարվում է իշխանությունների խոսնակը և, անհրաժեշտության դեպքում, իշխանություններն Ադիբեկյանին նետում են դաշտ՝ որպես ծանր հրետանի կամ նախատոնական խոսափող։
Հասարակական կարծիքի ուսումնասիրության համառուսաստանյան կենտրոնի (ВЦИОМ) գլխավոր կենտրոնի տնօրեն Վալերի Ֆյոդորովը ևս ներկայացրել էր հարցման արդյունքները, ըստ որի, «Ծառուկյան» դաշինքը և ՀՀԿ-ն առաջատարն են, իսկ ՀՅԴ-ն, «Ելք» դաշինքը և ՀՎԿ-ն հաղթահարում են 5% ձայների շեմը։
Այնպես որ՝ իշխանություններն արդեն մոտավորապես ներկայացրել են ապագա խորհրդարանի կազմը, կարող ենք հավելել, որ մեր երկրում որևէ «անկախ» սոցիոլոգիական հարցում չի անցկացվում, դրա կարիքը չկա։
Իշխանությունները որոշել են, որ խորհրդարանում են լինելու ՀՀԿ-ն ու ԲՀԿ-ն՝ որպես առաջատարներ, իսկ 5 տոկոսի շեմը հաղթահարելու են հավատարիմ ՀՅԴ-ն և ՀՎԿ-ն և կանխատեսելի «Ելք» դաշինքը՝ որպես ընդդիմություն։ Իսկ թե ինչ է տրվելու մյուս կուսակցություններին, դեռևս հայտնի չէ․ բանակցությունների դեպքում չի բացառվում, որ 5 տոկոսանոցների կազմը փոփոխվի։
Փոփոխությունը, սակայն, առաջատարներին չի վերաբերում, արդեն որոշված է, որ ՀՀԿ-ն ու ԲՀԿ-ն են մեծամասնություն կազմելու խորհրդարանում։ Այն փոփոխությունները, որոնց մասին խոսվում է, պարզապես նախընտրական պոպուլիզմ է, ոչինչ Հայաստանում չի փոխվելու՝ անգամ ԱԺ ընտրություններից հետո։
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
Երևանում հնչել են կրակոցներ․ կա վիրավոր
Արթուր Դավթյանի մայրը «լայքում է» Լևոն Քոչարյանին (լուսանկար)
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Ահազանգ. «Բոյով» մականունով թաղային հեղինակությունը ահաբեկում է քաղաքացիներին
