Պարտադիր չէ, որ ահաբեկիչը կրակի. զգուշացե՛ք Լիլիթ Աբրահամյանից

«Լյուդվիգյան և գործընկերներ» փաստաբանական ծառայությանն են դիմել Հայաստանում ապրող, ստեղծագործող և գործարար մի շարք հանրային մարդիկ` Ֆեյսբուք սոցիալական ցանցում գրանցված, կեղծ օգտատերերի կողմից վիրավորանքների և զրպարտության միջոցով իրենց պատիվն ու արժանապատվությունը, գործարար համբավն արատավորելու կապակցությամբ: Այդ մասին NEWSPRESS.am-ին են հայտնել փաստաբանական ծառայությունից:

Այնտեղ պարզել են, որ վիրտուալ աշխարհում անարգել գործող անձը հանդիսանում է Լիլիթ Աբրահամյանը, ով ներկայումս բնակվում է Կանադայում և երկար ժամանակ հանգիստ չի տալիս բազմաթիվ մարդկանց` նրանց հասցեին ամենասոսկալի վիրավորանքներ և զրպարտանքներ հրապարակելով: Եվ նման արգահատելի գործողությունների է դիմում ոչ միայն նրանց էջերում նամակներ գրելու ձևով, այլև իր թիրախների ընկերների էջերում մեկնաբանություններ գրելու ձևով, ավելին՝ իր մշտական թիրախների ընկերներին է դարձնում որպես ֆեյք և հանդես գալիս այդ կերպ:

Լիլիթ Աբրահամյանն ունի 70-ից ավելի կեղծ պրոֆիլ և գրոհում է անարգել: Մոտիվացիան անհայտ է, նպատակը՝ պարզ. վարկաբեկել, անհանգստություն պատճառել մարդկանց:

Փաստաբանական ծառայությունը համապատասխան հայցով դիմել է դատարան՝ վիրավորանք հասցրած և զրպարտություն կատարած անձի՝ Լիլիթ Աբրահամյանի դեմ: Ներկայացնում ենք վերը նշված որոշ ֆեյքերի անուններ, որոնցով հանդես է գալիս Լիլիթ Աբրահամյանը, քանզի, վերջինիս զոհը կարող է դառնալ մեզանից յուրաքանչյուրը. Eva Makhsudian, David Azizyan, Hrach Barkhudarov, Vazgen Mirijanian, Mo Na, Nana Aghajanova, Mario Scarlatti, Arman Aghayan, Michelle Monaghan, David Minasian, Leo Nardo, Olivia Palermon, Arthur Minasian: