Ալիևը պաշտոնանկ է արել բարձրաստիճան զինվորականների

Քաղաքագետ Գագիկ Համբարյանը ֆեյսբուքյան իր էջում գրել է.

«Ազերիական ԶԼՄ-ների տվյալներով Ադրբեջանի պաշտպանության նախարար Զաքիր Հասանովը ծառայողական խորհրդակցություն է հրավիրել և երկրի նախագահ Իլհամ Ալիևի անունից տեղացրել, որ մի խումբ բարձրաստիճան զինվորականներ պաշտոնանկ են արվել…

Թե ում է ապշերոնյան բռնբապետը պաշտոնանկ արել դեռ հայտնի չէ… Հավանաբար, այս պաշտոնանակությունները կապված են վերջին շրջանում ադրբեջանական բանակի Արցախի և ՀՀ-ի սահմանին կազմակերպված մի շարք ձախողված դիվերսիաների հետ, որի հետևանքով ազերիները տվել էին բազմաթիվ զոհեր… Բացի այդ, Զաքիր Հասանովի գերատեսչության կողմից կազմակերպված անհաջող այդ դիվերսիաների հետևանքով Ադրբեջանը բավական ծանր դիվանագիտական վիճակում հայտնվեց, երբ հայկական կողմի հրապարակած տեսանյութերի արդյունքում բացահայտվեց պաշտոնական Բաքվի սուտն այն մասին, որ հայերն են դիվերսիաներ կազմակերպել…

Այդ անհաջող դիվերսիաներից հետո, Իլհամ Ալիևը հիմա նոր է որոշել պատժել մեղավորներին…

Հուսով եմ, որ ավելի ուշ ազերիական ԶԼՄ-ները կհրապարակեն նաև պաշտոնանկ արված զինվորականների անունները և զբաղեցրած պաշտոնները…

Հ.Գ. AzeriDefence-ն կայքն արդեն անուններ է հրապարակում… Ըստ կայքի, պաշտոնանկ եղածների մեջ են Գլխավոր շտաբի պետի տեղակալ գեներալ-լեյտենանտ Էյվազ Ջաֆարովը, Գլխավոր շտաբի Գլխավոր օպերատիվ վարչության պետ Էլբրուս Օրուջևը, Գլխավոր շտաբի աշխատակից, գնդապետ Մուրադ Համիդովը…

Կան ևս պաշտոնազրկվածներ, որոնց անունները դեռ հայտնի չեն…»: