Արիանա Հովսեփյանի դիմում-բողոքը՝ Գլխավոր դատախազ Արթուր Դավթյանին

ՀՀ ԳԼԽԱՎՈՐ ԴԱՏԱԽԱԶ՝
ՊԱՐՈՆ Ա.ԴԱՎԹՅԱՆԻՆ

Արմենուհի /Արիանա/ Լյովիկի Հովսեփյանից
Հասցե՝ ք. Երևան Աբովյան փողոց 34 շենք 29բն.
Հեռ.՝ 077160000

ԲՈՂՈՔ

Հարգելի′ պարոն Դավթյան,

Տեղեկացնում եմ Ձեզ, որ Ձեր անվամբ ներկայացված դիմում-բողոքիս մեջ բարձրացված օրինախախտումների վերաբերյալ որևէ գործողություններ և միջոցներ ձեռնարկված չեն՝ ո′չ նախաքննական մարմնի աշխատակիցների և ո′չ էլ դատախազական մարմիննների թույլ տրված անփութության վերաբերյալ, բացի նրանից, որ զանգում են դատախազությունից և խորհուրդ են տալիս, որ ես Երևան քաղաքի Կենտրոն և Նորք-Մարաշ ընդհանուր իրավասության դատարանի դատավոր Մ.Մակյանի մոտից վերցնեմ իմ նույնականացման քարտը:

Հարցը չի վերաբերում միայն նույնականացման քարտին, որը պարտավոր էին քրեական գործի հետ միասին ուղարկել ՀՀ Վերաքննիչ քրեական դատարան:

Խնդիրն այն է, որ նախաքննության և դատախազության մարմինների կողմից կատարվել են մի շարք ապօրինություններ, մասնավորապես՝ կատարված հանցագործությունների պարտակում, որոնց մասին ես հստակ տեղեկատվություն, փաստեր ունեմ, որոնց վերաբերյալ Ձեր հետ անձամբ զրույցի ժամանակ կներկայացնեմ բոլոր ապացույցները:

Իմ բազմաթիվ դիմումների, դիմում-բողոքների վերաբերյալ խնդրում եմ ինձ անհապաղ տրամադրել գրավոր պատասխան, որպեսզի պայմաններում նշված պատասխանն ինձ չբավարարելու դեպքում, հնարավորություն ունենամ դիմելու նաև Հանրապետության բարձրագույն մարմիններին և միջազգային կառույցների միջամտությանը:

Կրկին հիշեցնում եմ Ձեզ, որ Ձեր հսկողությամբ գործող պաշտոնատար անձանց անփույթ և անբարեխիղճ գործողությունների հետևանքում ես գտնվում եմ անհիմն մեղադրանքի տակ, իսկ իմ կառույցը կարող է կրել ֆինանսական վնասներ:

Հարգանքներով՝

Միջազգային SEEMO և IPI լրատվական

կազմակերպությունների խորհրդի անդամ

Ա.Հովսեփյան