ՀՀԿ խոստովանությունը․ գյուղատնտեսությունը ողբալի վիճակում է
ՀՀԿ-ի նախընտրական ծրագրի գյուղատնտեսական բլոկում կարդում ենք, որ երկրում առկա են չօգտագործվող հողատարածքներ, ակնհայտ են ժամանակակից ֆերմերների խավի ձևավորման խիստ ցածր տեմպերը, ձևավորմանն աջակցող կառույցների և գործընթացների անբավարարությունը, ինտենսիվ գյուղատնտեսության և առաջադեմ տեխնոլոգիաների ոչ բավարար տարածվածությունը, գյուղատնտեսության մեքենայացման ցածր մակարդակը, տնտեսավարողների ժամկետանց վարկերը, գյուղատնտեսական արտադրանքի իրացման ոչ արդյունավետ համակարգը:
Երկրում ցածր արտադրողական բազմաթիվ տնտեսություններ ի վիճակի չեն ապահովել բավարար կենսամակարդակ, առկա է գյուղատնտեսության ներուժի ցածր իրացման մակարդակ, պարենի ներմուծման օպտիմալից բարձր մակարդակ:
ՀՀԿ-ն նպատակ ունի ապահովել աստիճանական անցում արտահանմանն ուղղված բարձր արտադրողական և վերամշակված սննդի շղթային՝ ինտեգրված գյուղատնտեսության և զբաղվածության հնարավորինս բարձր մակարդակի պայմաններում: Նպատակին հասնելու համար մտադիր են առաջիկա երկու տարվա ընթացքում բարձրացնել գյուղատնտեսական հողատարածքների նպատակային օգտագործման մակարդակը, ստեղծել համապատասխան պայմաններ՝ 2018-2020 թվականների ընթացքում տարեկան մինչև 100 հեկտար նոր ինտենսիվ պտղատու այգիների հիմնման համար, ավելացնել գյուղատնտեսությանը տրամադրվող վարկերի մատչելիությունը, մսի իրացման գործընթացում ստեղծել պարտադիր սպանդանոցային մորթի պահանջներ՝ 2017-2018 թվականներին մինչև 65 տոկոս սպանդանոցային մորթի անցման նպատակով, ապահովել գյուղատնտեսական տեխնիկայի նորացման, սպասարկման և մատակարարման մատչելի մեխանիզմների ներդրումը:
Գերկարևորություն է տրվելու սննդամթերքի անվտանգության հարցերին։ Վերացնելու են վերահսկողական մեխանիզմների թերությունները և բարձրացնելու են արդյունավետությունը, որպեսզի խանութներում վաճառվող սննդի որակն անհանգստության պատճառ չհանդիսանա: Միաժամանակ ձգտելու են երկրի պարենային անվտանգության մակարդակի բարձրացմանը՝ որպես ռազմավարական նշանակության նպատակ։
Լա′վ, այս տարիներին ինչո՞վ էր զբաղվում ՀՀԿ-ն գյուղատնտեսության ոլորտում, չէ՞ որ այս ծրագիրն իշխող քաղաքական ուժի ծրագիրն է, ոչ թե ընդդիմադիր, որը քննադատում է իշխանությանը՝ տարիների անգործության համար։
ՀՀԿ-ն խոստովանում է, որ այս տարիներին, բացի թղթե գյուղատնտեսությունից, ոչինչ ավելին չի արել, ի՞նչ երաշխիք, որ հետայսու որևէ քայլ կձեռնարկեն՝ ոչ մի։ Պարզապես ՀՀԿ նախընտրական գյուղատնտեսական բլոկից ակնհայտ է, որ իշխանության տարիներին ՀՀԿ-ն գյուղոլորտում որևէ ներդրում չունի, այդ է պատճառը, որ մշակովի հողերի ուղիղ կեսը, եթե ոչ պակաս՝ չի մշակվում, արդյունավետությունը ցածր է, սննդամթերքի անվտանգության ոլորտում բացակայում է կամ գրեթե բացակայում է վերահսկողությունը, պարենային անվտանգությունը ողբալի վիճակում է և այլն։
Ինչպես ասում են՝ անկեղծ խոստովանումը մեղմացնում է մեղքը, սակայն պատժից չի ազատում:
Մահացել է բլոգեր Նուշիկ Օհանյանի ամուսինը
Երկարատև «աղմուկից» հետո Վանաձորի թատրոնի տնօրենն ազատվել է աշխատանքից
Փաշինյանը Պուտինի հետ հանդիպումից հետո անոնսել է իր առաջիկա այցը Մոսկվա
Ո՞վ է ԶՊՄԿ-ում մաhաgած աշխատակիցը
Ղարաբաղյան հակամարտության կարգավորումը կարող է զգալի առավելություններ բերել Հայաստանին․ Պուտին
ԱԱԾ-ի պադվալում տեղ են բացում․ նոր կալանավորումնե՞ր են սպասվում. «Հրապարակ»
«Կգնանք թեկուզ վաղը»․ Պուտինի ազդանշանը Փաշինյանին․ ի՞նչ կկորցնի Հայաստանը
Խարդախության նոր ալիք է, ուշադիր եղեք... մի պատասխանեք զանգերին
Փաշինյանը Պուտինի հետ զրույցից հետո խոսեց ռուսերեն․ Մոսկվան Երևանին փակուղու առաջ է կանգնեցրել. Моск...
Ավինյան, ոտքերիդ տակն էի մաքրում, իմ տու՞նն ես քանդում, աղբանոցի մեջ ենք ապրում, դա էլ չեք թողնում. ...
