Հարձակում ԵԼՔ դաշինքի թեկնածուի ընտրական շտաբի վրա (լուսանկարներ)
Մարտի 18-ին Թիվ 11 ընտրատարածքում առաջադրված (Շիրակի մարզ) ԵԼՔ դաշինքի պատգամավորության թեկնածու Սոֆիա Հովսեփյանը ահազանգ է ստացել, որ հարձակում են գործել Մեծ Մանթաշ համայնքում (հասցե` 1-ին խճուղի, 42 տուն) գործող իր ընտրական շտաբի վրա և կոտրել պատուհանի ապակիները։ Հարակից տարածքում փակցված քարոզչական նյութերը ևս վնասված են գտնվել։ Այդ մասին ասված է դաշինքի ֆեյսբուքյան էջում տարածված հայտարարության մեջ:
«Ժամը 09։37-ին թեկնածուն դիմել է ոստիկանություն։ Նախնական գնահատմամբ պարզվել է, որ պատճառված վնասը կազմում է 40․000 դրամ։
Հիշեցնենք, որ քարոզարշավի մեկնարկից սկսած տեղի է ունենում ԵԼՔ դաշինքին պատկանող գույքի՝ մասնավորապես քարոզչական նյութերի և պաստառների դիտավորյալ ոչնչացում (մարտի 7-ին հարձակվել էին նաև ԵԼՔ դաշինքի Վանաձորի կենտրոնական շտաբի վրա և պատռել քարոզչական պաստառները, որի տեսագրությունն ուղարկվել է ոստիկանություն):
Այս մասին բազմիցս ահազանգել ենք, քանի որ այդպիսի դեպքեր արձանագրվել են Վանաձորում, Երևանում, Արթիկում: Սակայն այսօր արդեն հարձակումները վարչական իրավախախտումներից վերածվեցին քրեական հանցագործության։
ՀՀ քրեական օրենսգրքի 185 հոդվածի համաձայն՝ «1. Ուրիշի գույքը դիտավորությամբ ոչնչացնելը կամ վնասելը, որը զգալի չափերի վնաս է պատճառել՝ պատժվում է տուգանքով՝ նվազագույն աշխատավարձի հիսնապատիկից հարյուրապատիկի չափով, կամ կալանքով՝ առավելագույնը երկու ամիս ժամկետով, կամ ազատազրկմամբ՝ առավելագույնը երկու տարի ժամկետով»:
Նման դեպքերը նպատակ ունեն ոչ միայն նյութական վնաս հասցնել դաշինքին, այլ նաև ստեղծել համընդհանուր վախի մթնոլորտ նախընտրական գործընթացները խաթարելու և ԵԼՔ դաշինքի նախընտրական շտաբերի համար վարձակալության տրվող տարածքների տրամադրմանը խոչընդոտելու համար։
Կոչ ենք անում իրավապահ մարմիններին հետևողական լինել տեղի ունեցած հանցագործության բացահայտման հարցում, իսկ ընտրական գործընթացը վերահսկող դիտորդական կազմակերպություններին՝ հատուկ ուշադրություն հատկացնել այս դեպքերին»,- ասված է հայտարարությունում։
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
Երևանում հնչել են կրակոցներ․ կա վիրավոր
Արթուր Դավթյանի մայրը «լայքում է» Լևոն Քոչարյանին (լուսանկար)
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Ահազանգ. «Բոյով» մականունով թաղային հեղինակությունը ահաբեկում է քաղաքացիներին
