Ալիևն «անձեռնմխելիացնում» է ընտանիքի անդամներին

Մեհրիբան Ալիևան կրկին կդառնա անձեռնմխելի

Կնոջը երկրի առաջին փոխնախագահ նշանակելուց հետո ապշերոնյան բռնապետը որոշել է նաև ապահովագրել կնոջ քաղաքական կարգավիճակը. այսինքն՝ Մեհրիբան Ալիևային ևս ցանկանում է դարձնել անձեռնմխելի: Մեհրիբան խանումի անձեռնմխելիության մասին այսօր լրագրողների հետ հանդիպման ժամանակ ակնարկել է Ադրբեջանի Միլլի Մեջլիսի առաջին փոխխոսնակ Զիյաֆետ Ասկերովը:

Հիշեցնեմ, որ Մեհրիբան Ալիևան միշտ օգտվել է անձեռնմխելիությունից՝ լինելով ադրբեջանական խորհրդարանի երկարամյա անդամ: Սակայն երբ այս տարվա փետրվարի 21-ին Ալիևան նշանակվեց երկրի առաջին փոխնագագահ՝ կորցրեց այդ անձեռնմխելիությունը: Հիմա արդեն ամեն ինչ իր տեղն է ընկնում: Մեհրիբանի անձեռնմխելիությունը վերականգնված է:

Հիմա Ադրբեջանում բոլորը մեկ հարց են տալիս՝ ո՞վ է պատգամավոր դառնալու Բաքվի Խազարի շրջանի թիվ 14 ընտրատարածքից, որտեղից պատգամավոր էր «ընտրվել» Մեհրիբան Ալիևան:

Ոմանք կարծում են, որ դա կլինի Իլամի որդին՝ Հեյդարչիկը: Այս տեսակետի կողմանկիցները դա բացատրում են նրանով, որ սահմանադրության փոփոխման արդյունքում Միլիլի Մեջլիսի պատգամավոր ընտրվելու համար նվազեցվել է տարիքային ցենզը: Հիմա Ադրբեջանի խորհրդարանի անդամ կարող է դառնալ 18 տարին լրացած յուրաքանչյուրը: Շատերն Ադրբեջանում այն կածիքին են, որ այս ամենը արվել է հատուկ Հեյդարչիկի համար:
Ադրբեջանցիներից շատերն էլ կարծուն են, որ մայրիկի փոխարեն այդ ընտրատարածքից պատգամավոր կընտրվի Իլհամի ավագ դուստրը՝ Լեյլան, ով աչքի է ընկնում իր հիպերակտիվությամբ ԲՈԼՈՐ բնագավառներում և հատկապես հայատյացությամբ:

Այս ամենից կարելի է ենթադրել, որ Իլհամ Ալիևն «անձեռնմխելիացնում» է սեփական ընտանիքի անդամներին՝ պաշտոններ բաժանելով վերջիններիս:

Գագիկ Համբարձումյանի ֆեյսբուքյան էջից: