Պայծառատես Անի Գրիգորյանը հերքում է իր մասին տարածված ստահոդ լուրերը

Մամուլում շրջանառվում են լուրեր, որոնք կասկածի տակ են դնում պայծառատես Անի Գրիգորյանի վարքը: Մասնավորապես նշվում է, որ քրեական աշխարհում հայտնի «Ճվճվ Արո» մականվամբ Արա Վարդանյանի սանիկ հանդիսացող Անի Գրիգորյանն իրականում այլ հարաբերություններ ունի Ճվճվ Արոյի հետ: Ըստ աղբյուրի՝ Արա Վարդանյանն ամուսնալուծվել է հենց նրա պատճառով ու այժմ նրա հետ է բնակվում:

Թեմայի շուրջ մեկնաբանություն ստանալու նպատակով՝ NEWSPRESS.am-ը կապ հաստատեց Անի Գրիգորյանի հետ:

Նա անիմաստ համարեց հերյուրանքներին արձագանքել, բայց միևնույն ժամանակ նկատեց՝ եթե նման հարց է բարձրացել, պետք է պատասխանի դրան: Հատկապես որ, Անին հրապարակմանը ծանոթանալով, զանգահարել է նյութի հեղինակին, ով ասել է, թե չի ճանաչում ոչ մի պայծառատես Անի Գրիգորյանի, վիրավորել է նրան ու անջատել հեռախոսը:

«Ցավում եմ, որ մարդիկ չեն հասկանում՝ ինչ է քավորը կամ օջախի սրբությունը»,- մեզ հետ զրույցում ասաց Անի Գրիգորյանը:

«Մեր տանը, իսկապես, լինում են մարդիկ, բայց դրանք իմ արյունակիցներն են: Հիմա հորեղբայրս է իր տղաների հետ մեր տանը… ես չգիտեմ, եթե մարդ չի հասկանում՝ ինչ է սրբությունը, արյունակից լինելը՝ դա աշխարհի ամենամեծ մեղքն է… եթե իմ դեմ ինչ-որ բան ունեն գրելու, թող ասեն, որ լավ պայծառատես կամ գուշակ չեմ, չգիտեմ, բայց երբ ասում են մի բան, որ ոչ միայն ինձ, այլև այլ մարդկանց անունին է կպչում, ու մի բան, որ բացարձակ սուտ է»:

Անի Գրիգորյանը նախ նշեց, որ Ճվճվ Արոն իրապես իր քավորն է ու իրենց տանը չի մնում: Ապա նկատեց նաև՝ ինքը ընտրած տղա ունի և շուտով պատրաստվում է օրինականացնել իր հարաբերությունները նրա հետ:

«Ես այդ տղային ճանաչում եմ դպրոցական տարիներից, ու մենք շուտով կամուսնանանք… հանգիստ եղեք: Թե՛ այդ տղան, թե՛ իմ տան տղամարդիկ, նորմալ և իսկական տղամարդ են: Եթե հոդվածով նպատակ ունեն հանդիպել իմ տան տղամարդկանց ու նոր խնդիրներ առաջացնել՝ միանգամից ասում եմ, որ իմ տան տղամարդիկ տղամարդկանց հետ են խոսում…»,- ասում է պայծառատեսը:

Բացի այդ, նա հիմարություն է համարում այն տեսակետը, թե քավորն իր պատճառով է ամուսնալուծվել:

«Ես այսօր էլ շփվում եմ քավորկնոջ՝ Նաիրայի հետ, նա հոյակապ մարդ է… իսկ քավորը նաև իմ տատի քրոջ տղան է…. ես ուղղակի պատիվ կպահանջեմ՝ ինձ վարկաբեկելու և իմ մասին հերյուրանքներ տարածելու համար»,- եզրափակեց Անին:

NEWSPRESS.am-ին հաջողվեց նաև կապ հաստատել Ճվճվ Արոյի ընտանիքի անդամների հետ: Վերջիններս լուրերը որակեցին անամոթություն:

«Նման սուտ լուրերն ուղղակի անամոթություն են, դա սրբապղծություն է… չեմ հասակնում՝ այդ մարդիկ չեն մտածում, որ իրենց ամեն մի խոսքի համար պատասխան են տալու: Ում մասին ինչ ասես կարող են խոսել, բայց այդ ամենը դեռ ապացուցել է հարկավոր, իսկ ապացուցել իրենց չի հաջողվի, քանի որ նման բան չկա»,- եզրափակեց մեր զրուցակիցը: