23 օր հացադուլի մեջ գտնվող «Հաց բերողը» արյունահոսություններ ունի

2016 թվականի հուլիսին ոստիկանության ՊՊԾ գունդը գրաված «Սասնա ծռեր» խմբի անդամներին սնունդ տարած Արթուր Սարգսյանը՝«Հաց բերողը», ով Դատապարտյալների հիվանդանոցում» 23 օր հացադուլի մեջ է, ունի բերանի խոռոչից արյունահոսություններ , սկսել են ուռել նրա ոտքերը: Արթուր Սարգսյանը, ի նշան բողոքի և նաև չվստահելով բժիշկներին, չի թողնում չափել իր ճնշումը:

Այս մասին գրոմ է Tert.am-ը: Վերջինիս  հետ զրույցում այս մասին հայտնեց Արթուր Սարգսյանի պաշտպան Դավիթ Գյուրջյանը, ով երեկ երեկոյան տեսակցել է իր պաշտպանյալին։ «Դա է բարդացնում վիճակը, նաև ձախ ոտքի ծունկն է ուռել, նախկինում միայն աջն էր: Արունահոսությունը կապված է իր էռոզիվ պուլպիտի և կերակրափողի ճաքի հետ»,– ասաց նա:

Հիշեցնենք, որ Արթուր Սարգսյանն, ով մեղադրվում է «Սասնա ծռերին» օժանդակելու մեջ, նախորդ տարվա դեկտեմբերի 31-ին ազատ էր արձակվել, սակայն քննչական մարմնից խուսափելու պատճառաբանությամբ բերման էր ենթարկվել և փետրվարի 9-ին կալանավորվել, իսկ փետրվարի 10-ին անժամկետ հացադուլ է հայտարարել, որը շարունակում է մինչ օրս։

Արթուր Սարգսյանն ունի նաև Բեխտերևի հիվանդություն, որի բարդացած ընթացքը, ըստ իրավապաշտպանների, այն հիվանդությունների թվում է ,որոնք անհամատեղելի են կալանքը ՔԿՀ-ում կրելու հետ:

Գլխավոր դատախազության վերջին հայտարարությունների հիման վրա սոցիալական ցանցերում որոշ օգտատեր եզրակացրել էին, որ Արթուր Սարգսյանն ազատ է արձակվել: Սակայն փաստաբանն ասաց, որ չգիտի՝ ինչից են նման եզրակացություն արել, որովհետև երեկ ինքը զանգահարել է Դատախազություն, որտեղից հայտնել են, որ իր պաշտպանյալի վերաբերյալ որևէ որոշում չկա: Նույնը, ի դեպ, Գլխավոր դատախազությունից հայտնել էին Tert.am –ին:

Մանրամասները՝ սկզբնաղբյուր կայքում: