Ամեն մի քաղաքական ուժ պետք է ոտքը «իր վերմակի գյորա» մեկնի. Վահրամ Բաղդասարյան

ԱԺ ՀՀԿ խմբակցության ղեկավար Վահրամ Բաղդասարյանը ՀՀԿ-ական պատգամավոր Կարեն Կարապետյանին մրցակից չեմ համարում:

Այդ մասին նա ասաց ԱԺ ճեպազրույցի ժամանակ:

«Մենք մի թիմի անդամ ենք, ընդհանուր նպատակի համար ենք պայքարում: Կան տարբեր կարծիքներ, ես չեմ եղել կուսակցական, 2011 թվականից եմ եղել, որևէ խանգարող հանգամանք չեմ տեսնում, որ կուսակցական լինելը խանգարի ինձ»,- ասաց Բաղդասարյանը:

Դիտարկմանը, թե Կարեն Կարապետյանըհորդորել է չընտրել ՀՀԿ-ին, Բաղդասարյանն արձագանքեց. «Նրա միտքը հետևյալն էր՝ ձեզ ստիպող չկա, եթե գտնում եք, որ կան այդպիսի թերություններ, մի ընտրեք իշխանությանը: Հարցը վերաբերում էր անձին, իր դիմացը կանգնած լրագրողին, ես ուշադիր հետևել եմ»:

Վահրամ Բաղդասրայանն անդրադարձավ նաև ԲՀԿ-ական Միքայել Մելքումյանի հարցադրմանը, թե ինչո՞ւ է ՀՀԿ-ն նորից գալիս իշխանության:

«Գալիս ենք իշխանության, որպեսզի իր երեխայի ապագան կարգավորենք, որպեսզի դատարակ խոստումներ չտանք, կերակրենք խոստումներով և արդյունք չտանք… Այսօր մենք շարժվում ենք մեր հնարավորություններով, նայում ենք ապագային, չենք տալիս դատարկ խոստումները, որը հետագայում պետք է մնա մեր վզին: Նրանք ժամանակին շատ էին երազում լինել իշխանության մեջ, եղել են կոալիցիա, խորհուրդ չէի տա, որ անցյալը մոռանան» ,-ասաց Բաղդասարյանը և հավելեց, որ ամեն մի քաղաքական ուժ, ամեն մի երկիր պետք է իր ոտքը «իր վերմակի գյորա» մեկնի: