Դեղը թանկ է, հարկավոր չէ. հիվանդներին տարեք հոգեբուժարան. ԱՆ (տեսանյութ)

«Մենք փորձադաշտ չենք, անորակ դեղը մեզ չի օգնում», «Մի զրկեք մեզ ապրելու իրավունքից», «Պահանջում ենք որակյալ և արդյունավետ դեղ» այս պաստառներով կառավարության շենքի դիմաց իրենց բողոքի ակցիան էին կազմակերպել հոգեկան առողջության խնդիր ունեցող տասնյակ մարդիկ:

Գործադիրի որոշմամբ՝ փետրվարի 15-ից արտահիվանդանոցային պայմաններում բուժվող հիվանդներին «Զիպրեքսա» դեղ այլևս չի տրամադրվում: Այն փոխարինեվել է «Օլանզապին» դեղով։

«Դա նշանակում է հիվանդին գցել անդունդը»,-NEWSPRESS.am-ի հետ զրույցում ասաց «Հոգեկան առողջության վերականգնման հայկական ասոցիացիա» հասարակական կազմակերպության նախագահ Կարինե Թուխիկյանը:

Կառավարության դիմաց հավաքված այդ դեղամիջոցի կարիքը ունեցող մարդիկ և նրանց հարազատները մեզ հետ զրույցում նկատեցին, որ «Զիպրեքսա»-ն ամենաշատն է իրենց օգնում, իսկ փոխարենը տրամադրվող դեղը՝ նոր խնդիրներ է առաջացնում, և իրենք կրկին հայտնվում են ծանր դեպռեսված վիճակում։

Այսօր կազմակերպությունն իր 300 շահառուների անունից և նրանց հետ միասին պահանջում է վերականգնել «Զիպրեքսա» դեղահաբի անվճար տրամադրումը։

«Մեր շահառուները չեն ցանկանում փոխել դեղամիջոցը, քանի որ դա հանգեցնում է առողջական վիճակի վատթարացման: Նրանք նախընտրում են ստանալ այն դեղը, որը երկար տարիներ օգտագործել են: Օրինակ` 2015-ին բուժման ընթացքում 25 շահառու աշխատանքի է ընդունվել ոչ պետական հաստատություններում, 20-ը՝ պետական: 5 շահառու կարողացել է ընտանիք կազմել, 30-ն ուղղորդվել են աշխատանքի և զբաղվածության կենտրոն»,- նշում է Թուխիկյանը:

Նա նկատում է, որ Առողջապահության նախարար Լևոն Ալթունյանը պատճառաբանել է, թե դեղը թանկ է, չեն կարող գնել և առաջարկել է հիվանդների որոշ մասին ուղարկել Սևանի կամ էլ Նուբարաշենի հոգեբուժարաններ:

Նշենք, որ ՀԿ շահառուները բաց նամակով դիմել են վարչապետի նամակ ՀՀ նախագահ Սերժ Սարգսյանին, սակայն այսօր դեռ անորոշ վիճակում են:

Մանրամասները՝ տեսանյութում