Ի՞նչ է կատարվում «Արթֆուդ»-ում
Հովիկ Աբրահամյանի «շնորհազրկումից» հետո Արարատի մարզում ոչ միայն քաղաքական, այլև տնտեսական փոփոխություններ են։ Նախ հարկային մարմինները, որտեղ արդեն տեր ու թագավոր չէին Աբրահամյանների կողմից նշանակված մեծ ու փոքր պաշտոնյաները, սկսեցին մարզում հարկային ստուգումների անցկացնել։ Նախկինում էլ հարկային ստուգում էր, սակայն գիտեին՝ ում, ինչպես և երբ։
Հատկապես Մխչյան համայնքով շատ էին հետաքրքրվում․ բենզալցակայաններ, խանութներ։
Չար լեզուներն ասում էին, որ դեռևս 2016թ.-ից աբրահամյանները վաճառում են իրենց բենզալցակայանների ցանցը, իսկ խանութներում հարկայինը հատ առ հատ ստուգում է խանութները․ գրանցված և չգրանցված աշխատակիցներին, չգրանցված խանութի աշխատակիցներին երկար ժամանակ չէին թողնում աշխատանքի գնալ, որ չբռնվեն, իսկ գրանցվածներն առավոտյան ժամը 8։30-ից մինչև կեսգիշեր աշխատում էին առանց դադարի։
Կարճ ասած` Հովիկ Աբրահամյանը միայն Հովիկ Աբրահամյան չէ, այլ տնտեսական մի ողջ դարաշրջան․ ի դեպ, այն տնտեսական օջախները, որոնք չէին պատկանում Աբրահամյանների գերդաստանին, այս կամ այն կերպ վճարումներ էին անում, հակառակ պարագայում մարզում որևէ մեկը «ճուտ չէր հանի»։
Այժմ էլ հարցը հասել է Աբրահամյաններին և Սերգո Կարապետյանին պատկանող «Արթֆուդ» գործարանին։
Գործարանը 50։50 պատկանում է Կարապետյաններին և Աբրահամյաններին։
Դեռևս 2016թ. լուրեր էին պտտվում, որ «Արթֆուդը» մասամբ տեղափոխվում է Վրաստան, իհարկե, հնարավոր չեղավ լուրերը պարզել, սակայն հաստատ է, որ այսօր արդեն Վրաստանում «Արթֆուդ»-ն արտադրանք ունի և այն իրացնում է Վրաստանի իրացման կետերում։
Արդյոք դա նշանակո՞ւմ է, որ «Արթֆուդ»-ն ամբողջությամբ կտեղափոխվի Վրաստան, դեռևս հայտնի չէ, սակայն միանշանակ է, որ Հովիկ Աբրահամյանը վարչապետությունն անգամ չփրկեց «Արթֆուդ»-ը ֆինանսական և հարկային խնդիրներից։
Մամուլում ժամանակ առ ժամանակ սպրդում են Հովիկ Աբրահամյանի վերաբերյալ տեղեկություններ, նրա «շնորհազրկումից» հետո մարզի նկատմամբ վերաբերմունքը փոխվել է, մասնավորապես այս ազգատոհմի վերաբերյալ։
Չի բացառվում, որ Աբրահամյանների տնտեսական օբյեկտների նկատմամբ հարկային խիստ ստուգումները մարզում տնտեսական խնդիրներ ստեղծեն․ չէ՞ որ այս մարզում տնտեսությունը պտտվում է հենց նրանց շուրջ, և Աբրահամյանների քաղաքական «շնորհազրկման» հետևանքով տնտեսությունը լուրջ կորուստներ կկրի․ տարիներով նվազագույն հարկ վճարող կամ ընդհանրապես չվճարող տնտեսվարողները գերշահույթի փոխարեն չբավարարվելով պարզապես շահույթով կամ տեղափոխեն բիզնես՝ եթե մեծ է, կամ փակվեն։
Եղեգնաձորում ընտրական իրավիճակը լարված է. «Նայեք, աջ ու ձախ չֆիքսեմ». «Իրավունք»
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
Ինձ համար հոգեպես շատ բարդ է ամեն անգամ ստանալ այս ատելության ալիքները․ բլոգեր HayDalek-ը հայտնել է ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Նիկոլ Փաշինյանի հետ՝ Սերժ Սարգսյանի դեմ, այսօր՝ այլ քաղաքական ճամբարում․ ի՞նչ է փոխվել
Նկատեցի՞ք, COP17-ի գագաթնաժողովին ինչպես տեղ ու դադար չկա եվրոպացի առաջնորդների ներկայությունից. Ինչ...
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
Հակակոռուպցիոն կոմիտեն մանրամասնել է` ինչու են ձերբակալվել «Ուժեղ Հայաստանի» թեկնածուն ու համակիրներ...
Արարատի մարզում հայրը հետընթաց կատարելիս վրաերթի է ենթարկել իր 1,5 տարեկան դստերը. փոքրիկը մահացել է
