Ասե՞լ ճշմարտությունն ընտրությունների մասին, թե՞ չասել․ այս է խնդիրը
Հայաստանն ունենալու է ազատ, թափանցիկ, արդար ընտրություններ։ Նման հայտարարությամբ է հանդես եկել Ազգային ժողովի նախագահ Գալուստ Սահակյանը՝ ԵԽԽՎ-ի դիտորդական առաքելության պատվիրակության հետ հանդիպման ժամանակ։ «Մի՞թե»,- հարցրել են նրանք: «Իհարկե»,- պատասխանել է Գալուստ Սահակյանը։ Եվ եթե նա նման հայտարարություն է արել, ապա առնվազն ճշմարտություն է։
Ի դեպ, ով՝ ով, սակայն նա գիտի, թե ինչպես են ընթանում ընտրությունները Հայաստանում, և վերջին 20 տարում գրեթե չեն շեղել․ ընտրություններն «ազատ, արդար և թափանցիկ» են անցնում։
Խեղճ Գալուստ Սահակյան՝ մի բան է խաբել սեփական ժողովրդին, մեկ այլ բան՝ նայել եվրոպացիների աչքերին և ճշմարտությունը չասել։
Կարելի է պատկերացնել, օրինակ, Գալուստ Սահակյանն այդ օրը ձախ ոտքից էր արթնացել է և անկախ իր կամքից՝ որոշել է ազնիվ գտնվել և ճշմարտությունն ասել ԵԽԽՎ պատվիրակությանը, այն է՝ ընտրությունից ընտրություն ընտրակաշառքը բարձրանում է՝ տնտեսական աճից և աշխատավարձից ավելի արագ։
Հայաստանում ընտրությունները հիմնականում կազմակերպում և անցկացնում են թաղային և քրեական հեղինակությունները: Նրանց անմիջական միջամտությամբ և բաժանվում է ընտրակաշառքը: Համայնքներում դա իրականացնում են հատուկ այդ նպատակով նշանակված համայնքապետերը, եթե պետք է՝ մարդկանց «տեղահանում» են սեփական բնակավայրերից՝ գրանցում մեկ այլ վայրում, նրանց միկրոավտոբուսներով տեղափոխում են ընտրատեղամասեր։
Չեն բացառվում նաև նախընտրական «ռազբորկաները» թեկնածուների և նրանց համակիրների միջև՝ զենքով: Գերատեսչություններում հավաքագրում են աշխատակիցների անձնագրերի տվյալները, պահանջում են նաև տանեցիներինը։
Եթե այսքանից հետո ընտրությունները շեղվում են, ապա կա ամենակարող Տիգրան Մուկուչյանը, ով համարվում է Հայաստանի նկարիչների միության գերագույն հանձնակատար, և նրան են պատկանում ընտրակտավի վերջին շտրիխները։
Այսքանը, եթե Գալուստ Սահակյանը ներկայացներ, գուցե նրան ոչ ոք չհավատար էլ, կարող էր հանգիստ կյանքում մեկ անգամ ճշմարտությունն ասել և քանի որ նա հայտնի է իր անհասկանալի լեզվամտածողությամբ, ապա ԵԽԽՎ պատվիրակության անդամները կենթադրեին՝ նա պարզապես կատակ է անում՝ դե մեծ մարդ է, և արդեն տարիքն է նման կատակների։
Սակայն Գալուստ Սահակյանը ճշմարտությունը չի ասել միայն առողջական խնդիրներ եվրոպացիների մոտ չառաջացնելու համար․ չի բացառվում, որ նման անկեղծությունից հետո եվրոպացիները սրտի կաթված ստանային, իսկ բուժումը կմնար Գալուստ Սահակյանի վրա։ Տեղեկություններ կան, սակայն, որ հաջորդ ընտրություններին նա եվրոպացիներին չի խնայի և անպայման ճշմարտությունը կասի Հայաստանի «ազատ, արդար և թափանցիկ» ընտրությունների մասին, և ինչ լինելու է, թող լինի։
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Երևանում հնչել են կրակոցներ․ կա վիրավոր
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
Արթուր Դավթյանի մայրը «լայքում է» Լևոն Քոչարյանին (լուսանկար)
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Ահազանգ. «Բոյով» մականունով թաղային հեղինակությունը ահաբեկում է քաղաքացիներին
