Ազատամարտիկը խնդրում է օգնել իր ընտանիքին (լուսանկարներ)

Սյունիքի աշխարհազորի ՍԱ234 ազատամարտիկ, գնդացրորդ Աշոտ Իսախանյանն օգնության խնդրանքով դիմում է հասարակությանը:

Նա 15 տարեկանից՝ 1990-1994թթ-ին որպես կամավոր, հայրենասիրական ոգով մասնակցել է Հայաստանի և Արցախի ազատագրական և պաշտպանական մարտերին, որի ժամանակ 5 անգամ վիրավորվել է:

Ճակատագրի հենգնաքով՝ Աշոտ Իսախանյանը գտնվում է կալանավայրում:

Մարտի դաշտում ստացած վիրավորումների պատճառով՝ նա դատապարտյալների հիվանդանոցում վիրահատվել է, որի արդյունքում հեռացրել են Աշոտի աջ երիկամը: Այժմ նա հաշմանդամ է:

«Ոտքերս ուռչում են, մոտս լյարդի ցեռոզ է»,-ասում է ազատամարտիկը:

Դեռ պատերազմի տարիներին Աշոտի տունը հրդեհվել է, ու այսօր նա դասվում է անօթևանների շարքին: Կինը և 15 տարեկան դուստրն ապրում են նրա կնոջ հայրական տանը՝ Գորիսում (Ավանգարդի 5-րդ փ., 14 շենք):

Նա իր խնդրոնքով դիմում է համայն հայությանը.

«Ես Սյունիքի աշխարհազորի ազատամարտիկ եմ ՍԱ234, գնդացրորդ, անձնական համարս՝ ՍԱ234: Իմ հայ ժողովուրդ, հարգելի գործարարներ, բարերարներ, սփյուռքահայություն՝ ընտանիքս գտնվում է ծայրահեղ ծանր սոցիալական վիճակում: 3 տարի ընտանիքիս չեմ տեսել, կարոտը խեղդում է: Այս խնդրանքը գրում եմ հույսով ու հավատով, Աստծուն աղոթելով… խնդրում եմ օգնեք ընտանիքիս: ձեր օգնությամբ կփրկեք իմ՝ ազատամարտիկիս ընտանիքը: Խոնարհվում եմ ազգիս, ժողովրդիս առաջ ու նախապես հայտնում իմ շնորհակալությունը»,-իր խնդրանքն է ներկայացնում ազատամարտիկը:

Նրանք, ովքեր ցանկանում են օգնել ազատամարտիկի ընտանիքին՝ կարող են զանգահարել. +374 98412113 հեռախոսահամարով: