Երբ էշի քուռակն էշից առաջ է ընկնում, գելերն ուտում են. Մանվել Գրիգորյան

Եթե ժողովուրդը պտի չընտրի, թող չընտրի, հաջողություն: Այսօր լրագրողների հետ զրույցում ասաց գեներալ Սեյրան Սարոյանը՝ անդրադառնալով հարցին, թե ինչո՞ւ է ՀՀԿ համամասնական ցուցակում իր անունը վերջին տեղերում:

«Մերը ռեյտինգային ա դրված, քանի որ չենք կասկածում, գիտենք ժողովրդի մտածելակերպը, դիրքորոշումը, դրա համար եթե ժողովուրդը պտի չընտրի, թող չընտրի, հաջողություն»,- ասաց նա:

Անդրադառնալով ռեյտինգային ընտրակարգով Արմավիրի մարզում առաջադրված Առաքել Մովսիսյանին՝ Շմայսին, Սեյրան Սարոյանը նկատեց. «Իմ ընկերս ա, մրցակից չի: Կարող ա՝ Շմայսն ավելի շատ հավաքի, մենք ընկերներ ենք, մեր մեջ ոչ մի կռիվ չկա: Ժողովուրդն ումը շատ ձեն կտա, նրան կողջունենք, կուղարկենք Ազգային ժողով»,- ասաց Սարոյանը:

Չփորձելով ժամանակից առաջ ընկել և կանխավ խոսել ընտրության արդյունքերի մասին՝ գեներալ Մանվել Գրիգորյանը նշեց. «Կոպիտ ա, բայց պտի ասեմ, երբ էշի քուռակն էշից առաջ է ընկնում, գելերն ուտում են: Թող գա օրը, կերևա էլի ով ինչ ա»:

Մանվել Գրիգորյանը չանդրադարձավ նաև թեկնածուների շանսերին. «Ես ըսկի իմ շանսը չեմ գնահատում, 17 համար են դրե, տենանք»,- հավելեց Մանվել Գրիգորյանը:

Անդրադառնալով հարցին, թե արդյո՞ք Հայաստանում հնարավոր է իշխանափոխություն, գեներալը նկատեց.
«Երկիր նովի արմյաններ չպիտի գան, որ իշխանափոխություն անեն, եթե իշխանափոխություն լինի՝ իրա միջից պետք է լինի: Թազա եսիմ ինչերի մի սպասեք, նոր սերունդ է լինելու ու փոխեն՝ պապի տեղը թոռը կգա, տղան կգա և տենց կձևավորվեն ու նայած մարդու, կապ չունի: Կարողա էսօր մեկը լավ չի աշխատում, հաջորդը գա ավելի լավ էդ պաշտոնում աշխատի: Իսկ եթե մենք ինչ-որ ռեվոլյուցիաներ ենք սպասում, կամ ջարդելով, ծեծելով պիտի վլաստափոխություն արվի, ճիշտ չէ»,-ասաց նա: