EU-Asia Business Finance Center Holding-ի նախագահության հայտարարությունը

EU-Asia Business Finance Center Holding-ի նախագահության հայտարարություն է տարածել, որում, մասնավորապես, ասված է.

«EU-Asia Business Finance Center Holding-ը հոկտեմբերին հանդիպելով ՀՀ նորանշանակ վարչապետ Կարեն Կարապետյանի հետ և ունենալով հստակ պայմանավորվածություններ Հայաստանում խոշոր ներդրումային ծրագրեր իրականացնելու շուրջ՝ կատարեց իր բոլոր պայմանավորվածությունները։ Տարբեր ոլորտներում ներդրումային ծրագրեր իրականացնելու շուրջ, որպես առաջին փորձաքար, հոլդինգը նախատեսեց Հայաստանի քիմիական արդյունաբերության վերաթողարկումը՝ ի դեմ արդյունաբերության քարշակ համարվող «Նաիրիտ» քիմիական գործարանի։

Չնայած հոլդինգը ներկայացրել էր հիանալի պատրաստված ներդրումային առաջարկը և չնայած նրան, որ հոլդինգը ՀՀ կառավարությունից ոչինչ չուզելով ապահովում էր ամբողջ ներդրումային ծավալը, մոտ 150 մլն եվրոյի շրջանակներում, այնուամենայնիվ, հայտարարվեց տենդեր։

Համաշխարհային պրակտիկայում, եթե համանման ներդրումային առաջարկություններ են լինում, ապա ցանկացած երկրի իշխանություն այն ընդունում է ոգևորությամբ և առանց տենդերների տրամադրում է համագործակցության պայմանները։

Հոլդինգի ղեկավարությունը զարմանքով ընդունեց ՀՀ կառավարության այդ խիստ տարօրինակ քայլը, երբ հայտարարեց մրցույթ «Նաիրիտի» վերաթողարկման շուրջ։

Երկարատև և պարտաճանաչորեն մրցույթի պայմանները բավարարելու համար հոլդինգը կատարեց անհրաժեշտ աշխատանքները և ժամանակին ներկայացրեց մրցույթին բավարարող բոլոր պայմանները։

Այսպես կոչված մրցույթը տեղի ունեցավ հունվարի 20-ին, այսպես ենք անվանում, քանզի մինչ այսօր ոչ մի պատասխան ՀՀ կառավարությունից չենք ստացել։ Մեր հոլդինգի անդամ կազմակերպություններն ունեն համաշխարհային փորձ տարբեր երկրներում մրցույթներին մասնակցելու շուրջ։

Ամենայն պատասխանատվությամբ հայտարարում ենք նման տարօրինակ տենդեր մեր կազմակերպություններից ոչ մեկը չի լսել կամ մասնակցել, ավելին՝ մեր ներկայացուցիչների բազմաթիվ պարզաբանում պահանջող դիմումների արդյունքում մենք նույնիսկ չգիտենք, թե մրցույթի այսպես կոչված կազմակերպիչներն ինչ որոշում են ընդունել։

Ավելին՝ նույնիսկ հայտնի չէ, թե կառավարության որ օղակն է պատասխանատու մրցույթի կազմակերպման համար։ Մեր հոլդինգի նախագահությունը ստիպված է հայտարարել, որ Հայաստանի կառավարությունը և նրա նոր ղեկավարը կա′մ չունեն փորձառություն արտասահմանյան խոշոր ներդրումներ ընդունելու հետ կապված, կա′մ ունեն որոշակի վերաբերմունք «Նաիրիտի» վերաթողարկման շուրջ, որը սակայն սուբյեկտիվ է և չի համապատասխանում Հայաստանի տնտեսության զարգացման մեր ունեցած տեսլականին։

Հոլդինգի ղեկավարությունը դիմում է այդ քայլին՝ մամուլի միջոցով ՀՀ վարչապետից տենդերի արդյունքները հայտարարելու խիստ պահանջով։ Հոլդինգի հսկայական ժամանակ և նաև ֆինանսական միջոցներ է վատնել Հայաստանի տնտեսության զարգացման համար անհրաժեշտ մեծածավալ ներդրումներ ներգրավելու համար։ Հոլդինգն առաջարկել է նաև վարչապետ Կարեն Կարապետյանին մասնակցել հոլդինգի կողմից համահայկական «Եվրոպա-Ասիա հիմնադրամի» կազմակերպչական գործերին։ Հոլդինգն արդեն բանակցել է խոշորագույն չինական Միջազգային մետաքսե ուղու առևտրատնտեսական պալատի» հետ ներդրումային ծրագրեր կազմակերպելու և Հյուսիս-Հարավ ուղու ու ապագայում Իրան-Հայաստան երկաթուղու միջոցով Չինաստան Եվրոպային՝ Հայաստանով անցնող «Նոր մետաքսե ուղու» կառուցման շուրջ։

Հոլդինգը վարել է նաև բանակցություններ խոշոր հայ միլիարդատերերի հետ՝ այս ծրագրի մեջ ներգրավելու համար։

Կառավարության հետ բանակցությունների անընդունելի ցածր մակարդակի պատճառով հոլդինգն այսօր տարակուսում է, որ այսօրվա կառավարության հետ ընդհանրապես հնարավոր է համագործակցություն։

Հոլդինգը պահանջում է կառավարության հստակ բացատրությունը՝ նման գործելաոճի և հատկապես «Նաիրիտի» շուրջ անցկացված մրցույթի արդյունքների հրապարակավ ներկայացնելու համար։

Կարճ ժամանակ անց, հոլդինգը կներկայացնի իր վերջնական որոշումը Հայաստանի այսօրվա կառավարության հետ համագործակցության հնարավորության վերաբերյալ»։