«ՀԺ»․ՀՀԿ-ի ցուցակից կբացակայեն հանրությանը հայտնի որոշ դեմքեր

«Հայկական ժամանակ» օրաթերթը գրում է.

«ՀՀԿ-ն երեկ հրապարակեց իր նախընտրական ցուցակի առաջին 10 անունները: Երեկոյան տեղի ունեցած ԳՄ նիստից հետո կուսակցության խոսնակ Էդուարդ Շարմազանովը հայտարարեց, որ ՀՀԿ-ի համամասնական ցուցակը գլխավորելու է Վիգեն Սարգսյանը:

Ցուցակի 2-րդ համարը Երևանի քաղաքապետ Տարոն Մարգարյանն է, 3-րդը՝ արդարադատության նախարար Արփինե Հովհաննիսյանը, այնուհետև՝ Արա Բաբլոյանը, Արմեն Ամիրյանը, Արմեն Աշոտյանը, Էդուարդ Շարմազանովը, Մարգարիտ Եսայանը, Սամվել Ֆարմանյանը, Կարեն Ավագյանը: Ցուցակն ամբողջությամբ կհրապարակվի, թերևս, այսօր: Մեր տեղեկություններով, ՀՀԿ-ի ցուցակում չկան հետաքրքիր և հանրությանը հայտնի որոշ դեմքեր, որոշներն էլ բավական ետին կամ զարմանալիորեն առաջին տեղերում են:

Օրինակ, ԱԺ նախագահ Գալուստ Սահակյանը 11-րդն է, 12-ում փոխնախագահ Հերմինե Նաղդալյանն է, 13-ում ԱԺ ֆինանսավարկային և բյուջետային հանձնաժողովի նախագահ Գագիկ Մինասյանն է, 14-ում ԱԺ նախկին նախագահ Սամվել Նիկոյանը, իսկ 15-ում ԱԺ աշխատակազմի ղեկավար Հրայր Թովմասյանն է: Կառավարության աշխատակազմի ղեկավար-նախարար Դավիթ Հարությունյանը ցուցակում չի ընդգրկվել: Ցուցակում չկան նաև սփյուռքի նախարար Հրանուշ Հակոբյանը, Գագիկ Բեգլարյանը: ՀՀԿ-ում կարծիք կա, որ Դ. Հարությունյանն ընտրություններից հետո կարող է վերանշանակվել արդարադատության նախարար, նման ակնկալիքներ ունի նաև Հրանուշ Հակոբյանը»:

Մանրամասները` թերթի այսօրվա համարում