Հանրապետական կուսակցությունը հրապարակել է ռեյտինգային ցուցակները

Փետրվարի 11-ին ՀՀԿ Գերագույն մարմնի նիստից հետո ՀՀԿ մամուլի խոսնակ Էդուարդ Շարմազանովը հրապարակեց տարածքային ցուցակները: ՀՀԿ ռեյտինգային ցուցակում են Առաքել Մովսիսյանը, Միհրան Պողոսյանը, Սամվել Ալեքսանյանը, Ալիկ Սարգսյանը և այլք: Ինչ վերաբերում է համամասնական ցուցակներին, ապա դրանք կհրապարակվեն հաջորդ շաբաթ:

Ցուցակներում չկան Մանվել Գրիգորյանը և Մհեր Սեդրակյանը: Շարմազանովի խոսքով՝ Մանվել Գրիգորյանն ինչպես միշտ կսատարի ՀՀԿ-ին:

Թիվ 1 ընտրատարածքում, որում ներառված է Ավանը, Նոր-նորքը և Քանաքեռ-Զեյթունը, կառաջադրվեն Ազգային ժողովի պատգամավոր Ռոբերտ Սարգսյանը, ԴԱՀԿ նախկին պետ Միհրան Պողոսյանը, Երկրապահ կամավորականներից Ղուկաս Ուլիխանյանը, և այլք: Այստեղ առաջադրվել է 12 թեկնածու:

Թիվ 2 ընտրատեղամասում Արաբկիր, Աջափնյակ,Դավթաշեն համայնքներում հայտնի դեմքերից առաջադրվել են Արտակ Սարգսյանը, Արման Սահակյանը, Ալբերտ Երիցյանը, Արման Բաբլոյանը, Արթուր Գևորգյանը:

Թիվ 3 ընտրատեղամասում առաջադրվել են Սամվել Ալեքսանյանը, Կորյուն Նահապետյանը, Արայիկ Հովհաննիսյանը: Կենտրոնում էլ՝ Հակոբ Բեգլարյանը, Հարություն Կարապողոսյանը:

Շիրակի մարզում, ըստ Շարմազանովի, առաջադրվել են պատգամավորներ Սուքիաս Ավետիսյանը, Արման Սահակյանը, Մարտուն Գրիգորյանը (նախկինում ԲՀԿ-ական), Մուշեղ Պետոյանը, նախկին մարզպետ Ֆելիքս Ցոլակյանը: Ընդհանուր առմամբ, 13 հոգի:

Տավուշում կառաջադրվեն պատգամավորներ Հակոբ Հակոբյանը, Գրիգոր Ավայանը, Հասմիկ Ամիրյանը, նախկին պատգամավոր Վարդան Պետրոսյանը:

Գեղարքունիքում կառաջադրվեն մարզպետ Րաֆֆի Գրիգորյանը, Ազգային ժողովի պատգամավորներ Հակոբ Հակոբյանը, Կարեն Բոթոյանը, նախկին պատգամավոր Տիգրան Արզաքանցյանը, Գավառի պետհամալսարանի ռեկտոր Ռուզաննա Հակոբյանը, Մարտունու նախկին քաղաքապետ Բագրատ Հարությունյանը, Սևանից՝ Աշոտ Ավետիսյանը, Կոտայքից՝  Բնապահպանության նախկին նախարար Արամ Հարությունյանը, մաքսային և հարկային ծառայության արդեն նախկին աշխատող, գեներալ Սամվել Սանամյանը, փոխմարզպետ Համլետ Հայրապետյանը, Արագածոտնից՝ պատգամավորներ Արագած Ախոյանը, Բազմասեր Առաքելյանը, հայտնի գրոսմայստեր Լիլիթ Մկրտչյանը, պատգամավոր Մնացական Մնացականյանը:

Արմավիրից էլ կառաջադրվեն Սեյրան Սարոյանը, Հրանտ Գրիգորյանը, Առաքել Մովսիսյանը, Նահապետ Գևորգյանը:

Վայոց ձորում և Սյունիքում առաջադրված են Աշոտ Արսենյանը, Նարինե Առաքելյանը, մարզպետ Վահե Հակոբյանը, Ավետ Սարգսյանը:

Լոռիից ընդգրկված են ԱԺ պատգամավոր Կարեն Կարապետյանը, ՀՀԿ խմբակցության ղեկավար Վահրամ Բաղդասարյանը, Վալեքս գրուպի Ալավերդու պղնձաձուլական կոմբինատի տնօրեն Լուսինե Մեժլումյանը, ռուսական համայնքի ներկայացուցիչ Օլեգ Իգնատցենկոն:

Իսկ Արարատից էլ՝ պատգամավոր Արայիկ Գրիգորյանը, ոստիկանության նախկին պետ Ալիկ Սարգսյանը, Հայկ Հովհաննիսյանը, ներկայիս պատգամավոր Մուրադ Մուրադյանը: