«Մի քանի «թումանյանից» այն կողմ՝ Հանրապետականից ոչինչ չի կարելի ակնկալել»
Իշխող Հանրապետական կուսակցության «Առաջ Հայաստան» ու «Ապահով Հայաստան» կարգախոսներն այլևս հետևում են. ՀՀԿ-ն նոր բան չունի առաջարկելու: NEWSPRESS.am-ի հետ զրույցում, անդրադառնալով ՀՀԿ-ի շանսերին՝ ասաց ԱԱԾ նախկին պետի տեղակալ Գուրգեն Եղիազարյանը: Նա նկատեց, որ Հանրապետականն իր տված նախկին խոստումները մինչ օրս չի իրականացրել, և ժողովուրդը չի հավատում, որ նոր բան կարող է առաջարկել իրեն ու կատարել խոստումը:
Դիտարկմանը, թե ՀՀԿ-ն հայտարարում, է որ իր ծրագրերը շարունակական են լինելու, Գուրգեն Եղիազարյանը նկատեց. «Ի՞նչն են շարունակելու՝ արտագա՞ղթը, աղքատությո՞ւնը…. Իրենք ոչ մի ոլորտում հաջողություն չեն գրանցել, որ լինի շարունակական՝ հետընթաց է: Ի՞նչ ծրագիր պետք է առաջարկեն, ինչի՞ մասին…»,- ասաց ԱԱԾ նախկին պետի տեղակալն ու հավելեց, որ լավագույն դեպքում կարող են գումար առաջարկել՝ Թումանյանի պատկերով:
«Մի քանի թումանյան (նկատի ունի 5000 դրամանոցներ-հեղ.) կառաջարկեն, մարդիկ կվերցնեն ու վերջ, ամեն ինչ կլինի այնպես, ինչպես նախկինում…»,- նկատեց Գուրգեն Եղիազարյանը:
Նրա դիտարկմամբ՝ ՀՀԿ-ի միակ լույսի շողը վարչապետ Կարեն Կարապետյանն է, թեև մյուս կողմից էլ նա վստահ չէ, որ կարճ ժամանակահատվածում վարչապետը կարող է կտրուկ քայլեր անել ու արթնացնել ժողովրդի վստահությունը:
«Հույս կարելի է ինչ-որ տեղ կապել Կարեն Կարապետյանի հետ, Հանրապետականի հետ՝ հնարավոր չէ: Երկար ու ձիգ 10 տարվա ընթացքում ժողովուրդը միայն մի բան է համոզվել՝ «թումանյանից» այն կողմ՝ Հանրապետականից ոչինչ չի կարելի ակնկալել»,- ասաց մեր զրուցակիցը:
Նա իրավիճակից ելք տեսնում է ժողովրդի հավաքական կամքի և ուժի միջոցով, որին այնքան էլ չի հավատում:
«Մարդիկ փոփոխություն չտեսնելով՝ կարող են ամբողջովին հիասթափվել… բայց հավատը չի կորչի, եթե Սերժ Սարգսյանը հրաժարական տա, և արդար ընտրություններ անցկացնեն»,- ասաց նա ու հավելեց, որ ի վերջո ՀՀԿ-ն միայն չարիքից չէ բաղկացած, այնտեղ կան մարդիկ, ովքեր մտածում են երկրի ու ժողովրդի համար:
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Երևանում հնչել են կրակոցներ․ կա վիրավոր
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
Արթուր Դավթյանի մայրը «լայքում է» Լևոն Քոչարյանին (լուսանկար)
Եթե մանդատները չեն վերցնում` ԱԺ ձևավորվում է. Արփինե Հովհաննիսյան
Էս խայտառակ ընտրությունների արդյունքները լեգիտիմացնելու են ոչ թե էն մարդիկ, ում վիժվածքը ողջ գիշեր զ...
