Վարդան Ղուկասյանի հեռացումը ՀՀԿ-ից նորմալ էր, Հովիկ Աբրահամյանինը՝ զարմանալի. Սուքիաս Ավետիսյան (տեսանյութ)

NEWSPRESS.am-ի թղթակիցը զրուցել է ԱԺ Հանրապետական խմբակցության պատգամավոր Սուքիաս Ավետիսյանի հետ: Նախ անդրադարձել է Շիրակի մարզում ՀՀԿ վարկանիշային ցուցակին՝ նշելով, որ դեռ քննարկվում է վարկանիշային ցուցակը, վերջնական քննարկումնները դեռևս չեն ավարտվել, փորձելով ցուցակում ներառել մարդկանց, ովքեր թիմին կկարողանան ձայներ բերել: Իսկ այն հարցին, թե իսկապես կա՞ն արդյոք տարաձայնություններ Սամվել Բալասանյանի որդու՝ Խաչատուր Բալասանյանին ցուցակ ընդգրկելու հետ կապված, Սուքիաս Ավետիսյանը պատասխանել է, որ պետք է հաշվի առնել, որ նա գործող քաղաքապետի որդին է ու քաղաքապետն աշխատելու է ընդհանուր թիմի համար նաև:

NEWSPRESS.am-ի թղթակիցը հետաքրքրվել է Վարդան Ղուկասյանի քաղաքական դաշտում հայտնվելու նորություններով և թե արդյոք Գյումրիի նախկին քաղաքապետը ՀՀԿ-ի անդա՞մ է, թե՞ ոչ:

«Ես ընդհանրապես ցանկացած անձի հայտարարությանը նորմալ եմ վերաբերվում, մարդ կա՝ ստաբիլ քաղաքական մի դաշտում է, իսկ ինչ մնում է դուրս գալուն, երեկ արդեն դիմում է ներկայացրել ՀՀԿ-ի տարածքային մարմին ու արդեն որոշում է կայացվել հեռացնել նրան կուսակցությունից կամ դիմումի համաձայն հեռացվել է»,- նշել է Ավետիսյանը:

Ազգային Ժողովի պատգամավորի համար զարմանալի է Հովիկ Աբրահամյանի հեռանալը ՀՀԿ-ից, բայց և նշել է, որ դա յուրաքանչյուր մարդու որոշելու հարցն է՝ որ քաղաքական թիմում է հանդես գալու՝ միաժամանակ չբացառելով, որ նա այլ քաղաքական դաշտում հանդես կգա: «Կարող է լինել խնամիական դաշինք, շատ հնարավոր է, ու նա կարող ուժ է»,- նշեց Սուքիաս Ավետիսյանը:

Հարցազրույցն ամբողջությամբ՝ տեսանյութում