Շիրակի մարզում տղամարդիկ արտերկրում են, սկեսուրներն էլ հարսներին ուղղորդում են սովորել ու բիզնես ստեղծել
«Տղամարդիկ արտերկրում են ու կանայք են, որ պետք է բարձրացնեն գյուղի խնդիրները ու փորձեն լուծել դրանք: Իրենք են մասնակցում գյուղում եղած խնդիրների լուծմանը: Փոքր հաջողություններ ունեցել ենք, գյուղում հանդիսությունների տունը վերանորոգել ու կահավորել ենք կանանց օգնությամբ, ջերմոցի ստեղծում, մշակութային ծրագրեր են արվել, այգիները բարեկարգել»,- այսպես NEWSPRESS.am-ի թղթակցին ներկայացրեց իրենց գործունեությունը «Կանայք հանուն զարգացման» հասարակական կազմակերպության նախագահ Գոհար Մարկոսյանը:
Երեք տարի է` Շիրակի մարզի մի քանի գյուղում օգնում են կանանց, աջակցում, որ մասնակցեն համայնքի զարգացմանը, բայց որոշակի հմտություններ սովորեցնելուց հետո նաև նպաստում, որ կարողանան իրենց բիզնեսն ունենալ: Չնայած սկզբնական շրջանում այնքան էլ չեն վստահել այս ծրագրերին, իսկ տղամարդիկ վերապահումով են վերաբերվել, որ կինը գյուղում կարող է բիզնես ունենալ:
«Գյուղերում էնքան էլ ընդունված չէ, որ կանայք նույնպես կարող են իրենց բիզնեսն ունենալ: Մի փոքր օգնել ենք, գյուղական չորս համայնքում աջակցել ենք, որ փոքր բիզնես ունենան: Վարսավիրանոց են բացել՝ հմտություններին տիրապետելուց հետո: Ճիշտ է՝ փոքր է, բայց որոշակի գումար կարող են ապահովել՝ ընտանիքի կարիքները հոգալու համար: Բացի դրանից, գյուղի կանայք այլևս ստիպված չեն լինի, որ գնան քաղաք՝ վարսահարդարվելու: Կխնայեն ժամանակ, գումար»,- հավելեց Գոհար Մարկոսյանը:
Ցողամարգ գյուղում վարչական ներկայացուցիչ Գնել Բարսեղյանն էլ նշեց, որ սկզբնական շրջանում խնդիրներ կային գյուղում, տղամարդիկ մտածում էին, թե ինչ են սովորելու, բայց հետո սկսեցին օգնել կանանց, կանայք միավորվեցին, ու որոշ խնդիրներ լուծվեցին: Դերձակների դասընթացներ կազմակերպվեցին, վարսահարդարման դասընթացներ, ու կարծում եմ, որ աշխատանքի հնարավորություն է ստեղծվում, և խնդիր չկա էլ ընտանիքներում:
«Տղամարդիկ հիմնականում տեղում չեն, սկզբից դժվարությամբ էին թողնում, հետո տղամարդկանց մոտ էլ ակտիվությունը սկսեց զարգանալ: Տան մեծ անդամները՝ սկեսուրները, հարսներին ուղարկում են ծրագրերին ու միջոցառումներին: Սկզբից ես էի խնդրում, իսկ հիմա իրանց հարսներին, որ չեմ հրավիրում տարբեր ծրագրերի, նեղանում են, թե իմ հարսին ինչի՞ չես հրավիրում: Հիմա տեսնում են, որ կինն էլ կարող է աշխատել ու գումար վաստակել»,- NEWSPRESS.am-ի հետ զրույցում հավելեց Լանջիկ համայնքի ծրագրերի պատասխանատու Արմենուհի Առաքելյանը:
Չնայած հաջողություններին՝ դեռ կան որոշ կարծրատիպեր ու չհաղթահարված բարդույթներ: Գյուղի կանայք, նույնիսկ եթե ունեն բարձրագույն կրթություն, երկար տարիներ չեն աշխատել ու ինքնավստահությունն են կորցրել: Հաճախ մտածում են, որ չեն կարող աշխատել, իսկ գաղափարները կյանքի կոչելու համար միշտ մտածում են, որ ավելի շատ գումար է հարկավոր: «Կանայք հանուն զարգացման» ծրագիր ՀԿ-ն աջակցում է ֆինանսապես, բայց օգնության չափը չի անցնում 1000 դոլարին համարժեք դրամը:
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Երևանում հնչել են կրակոցներ․ կա վիրավոր
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
Արթուր Դավթյանի մայրը «լայքում է» Լևոն Քոչարյանին (լուսանկար)
Էս խայտառակ ընտրությունների արդյունքները լեգիտիմացնելու են ոչ թե էն մարդիկ, ում վիժվածքը ողջ գիշեր զ...
27/7 ընտրատեղամասում ԲՀԿ ստացել է 77 ձայն, ԿԸՀ կայքում նշված է 1 ձայն. ԲՀԿ-ն մի շարք ընտրատեղամասեր...
