Ի՞նչ խաղ է խաղում Հովիկ Աբրահամյանը
Հովիկ Աբրահամյանը հեռանում է ՀՀԿ-ից։ Եթե Նա հեռանում է ՀՀԿ-ից, ապա ամեն ինչ շատ լուրջ է այս կուսակցության համար։ Նա ունի հատուկ հոտառություն՝ ժամանակին գալու և ժամանակին հեռանալու համար, այս հատկությունը բնատուր է, նա այդպես էլ ոչնչից ստեղծեց Հովիկ Աբրահամյանի կարիերան։
Ովքեր հեռանում են ՀՀԿ-ից, պարզապես վստահում են Հովիկ Աբրահամյանի հոտառությանը, որի մասին լեգենդներ են պտտվում։ Այստեղ ո′չ քաղաքականությունը, ո′չ էլ գիտական վերլուծությունն առոչինչ են։ Կարևորն աբրահամյանական հոտառությունն է։
Սակայն ՀՀԿ-ն հոտառության դեմ պայքարի ձև է մոգոնել՝ Արարատի մարզը հովիկազերծում են։ Այս մարզում Աբրահամյանն ունի անսահմանափակ իշխանություն՝ սկսած անձնականից՝ մինչև ֆինանսական, տնտեսական, հարկային, ոստիկանական, գյուղատնտեսական, տրանսպորտային, անգամ թաղման բյուրոների մակարդակով։
Իհարկե, թոթափումն սկսվել է, և մարզում Գրիգորյանների իշխանափոխությամբ են պատասխանում Աբրահամյանին։ Սակայն մեկ բան են Ավշար եղբայրները, մեկ այլ բան՝ Հովիկ Աբրահամյանը։ Ավշար եղբայրներին՝ Արամայիս և Արայիկին, ՀՀԿ-ն է կերտել, սակայն Հովիկ Աբրահամյանին՝ հենց ինքը։ Այս պարագայում՝ ով ավելի ուժեղ կլինի մարզում, դատողությունները կարող են միանշանակ չլինել, սակայն Հովիկ Աբրահամյանը հենց այնպես հանձնվողը չէ։ Նա տարիներով և տասնամյակներով կառուցել է իրեն և այսօր չի թողնի իր կերպարը կիսատ-պռատ։
Նա անգամ իր որդու՝ Արգամ Աբրահամյանի ամուսնությամբ իրեն ապահովագրեց ապագայի շրջադարձերից և այսօր դուրս գալով ՀՀԿ-ից՝ նա կարող է ամեն տեղ հայտնվել, անգամ՝ խնամու կուսակցությունում, թեև ժամանակ առաջ ցանկանում էր բամփել։
Ի վերջո, այդ բամփելու պատմությունն այնքան էլ լուրջ չէր․ ոչ ոք չէր պատկերացնում, թե ինչ աթոռի վրա է կանգնելու Աբրահամյանը՝ Ծառուկյանին բամփելու համար․ այստեղ, իհարկե, նա մի քիչ գլուխ է գովել, բայց դե ոչինչ, խնամուն ներելի է։
Իսկ թե ինչ է խաղալու նախկին վարչապետը, ում ջրաղացին է ջուր լցնելու, որ կուսակցությունն է արժանանալու նրա ներկայությանը՝ առայժմ գիտի միայն ինքը, իսկ մնացածներն սպասում են։
Իհարկե, Հովիկ Աբրահամյանը քաղաքական ֆիգուր չէ, սակայն նա միշտ էլ քչփորում է քաղաքականությունը, և նրա նախաձեռնություններին ՀՀԿ-ն չի կարող անտարբեր նայել։
Եթե Աբրահամյանը գնում է, ուրեմն՝ ՀՀԿ-ում ճաքեր են, եթ ե նա փախչում է ՀՀԿ տապանից՝ ապա ՀՀԿ-ն խորտակվում է․ մնում է վերլուծել՝ Հովիկ Աբրահամյանը գնացել է ՀՀԿ-ից, թե՞ փախչել։
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Երևանում հնչել են կրակոցներ․ կա վիրավոր
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
Էս խայտառակ ընտրությունների արդյունքները լեգիտիմացնելու են ոչ թե էն մարդիկ, ում վիժվածքը ողջ գիշեր զ...
Արթուր Դավթյանի մայրը «լայքում է» Լևոն Քոչարյանին (լուսանկար)
27/7 ընտրատեղամասում ԲՀԿ ստացել է 77 ձայն, ԿԸՀ կայքում նշված է 1 ձայն. ԲՀԿ-ն մի շարք ընտրատեղամասեր...
