Արթուր Բաղդասարյանը կուսակցության անվանումը փոխեց, կաշին՝ ոչ
«Հայկական վերածնունդ» կուսակցության ղեկավար Արթուր Բաղդասարյանի «Հայասի» գործարանը, ինչպես երևում է, ավելի շատ հեղինակություն ունի հանրության շրջանում, քան հենց սեփականատերը։ Մարդիկ, եթե ժամանակին համտեսում էին Բաղդասարյանի չքնաղ մուրաբաները, այժմ Բաղդասարյանի օղիներից խմուկ-քնուկ են։
Ասում են` Բաղդասարյանը հասկացել է, որ մուրաբաներից օգուտ չկա, մարդիկ մուրաբաներն ուտում են ու գնում գործի, ոչ ոք «Օրինաց երկիր», կամ առնվազն «Հայկական վերածնունդ» չի հիշում, իսկ այժմ խմելով բաղդասարյանական կնիքով օղիները՝ մարդիկ խմում, քնում են, արթնանալուց հիշում են Բաղդասարյանին՝ ով ինչպես կարողանում է։ Մի մասը հիշում է, որ նորից օղի է պետք, մյուս մասը հիշում է, որ Արթուր Բաղդասարյանն էր գլխացավանքն իրենց տվել։ Միևնույնն է՝ Բաղդասարյանին սրտանց հիշատակում են։
Կարճ ասած՝ օղի բաժանելը դրական է ընտրողների այն մասի իրավագիտակցության վրա, ում Բաղդասարյանը մատուցել է սուրբ խմիչքը։
Ասում են, որ Ամանորին Բաղդասարյանի վարկանիշը կտրուկ բարձրացել է, մարդիկ ավելի լավ են հիշել Բաղդասարյանին, քանի որ նա ինքն անձամբ, Սանտա Կլաուսի, ոչ՝ Ձմեռ պապի, հագուստներ էր հագել, նստել էր Լապլանդիայից բերված հյուսիսային եղջերուներով հատուկ կառք-սահնակը և այցելել յուրաքանչյուր հայ ընտանիք՝ նվիրաբերելով իր չարաբաստիկ օղիները։
Կարճ ասած՝ այս Ամանորին Սանտա Կլաուս-Բաղդասարյանը խիստ զբաղված է եղել իր անձնական նվերները հանրայանցնելու ուղղությամբ, որն, ի դեպ, նաև գովազդ է անվճար, նաև խմիչքի իրացում, նաև ամանորյա նվեր, նաև քրտնաջան աշխատանք ժողովրդի համար, նաև «Հայկական վերածնունդ» կուսակցության անօթևան վարկանիշը՝ մեկ շշաչափ ավելացնելու ուղղությամբ։
Այնպես որ՝ այս տարին Արթուր Բաղդասարյանի տարին է։ Իհարկե, չար լեզուները ցանկանում են վարկաբեկել օրինավոր Բաղդասարյանին և ասում են, որ ՀՀԿ-ն է հրահանգել, խղճի մտոք, հանրությանը նվերներ բաժանել, բայց դե Բաղդասարյանն ի՞նչ աներ, եթե միայն սեփական չարաբաստիկ օղիներից, ոչինչ այլ նյութեղեն աչքին չի եկել, ինչ տեսել է և ունի, այն էլ բաժանել է։
Ասում են նաև, որ այս ընթացքում ՀՀԿ-ի աչքը Բաղդասարյանի վրա է եղել։ Առջևում ընտրություններ են, պետք է, որ բաղդասարյանական նվերները տեղ հասնեն։ Խելոք ՀՀԿ-ականները լավ հիշողություն ունեն և հասկանում են, որ նա է միակ Արթուր Բաղդասարյանն ու անկրկնելին՝ ինչպես միշտ և կարող է վերջին պահին օղիները չբաժանել՝ պատճառաբանելով, որ ստիպված էր, կամ թե՝ ժողովրդի համար է, որ չի բաժանել իր սրբազան խմիչքը։
ՀՀԿ-ն իրեն ապահովագրել է, չէ՞ որ ընտրություններից առաջ, ընտրությունների ժամանակ և ընտրություններից հետո Արթուր Բաղդասարյան կերպար չեն կարող գտնել, և նա է միակը, ով կարող է կուսակցության անունը փոխել, մուրաբա բաժանել, անարյուն ճառեր կարդալ ու ոչինչ չանել․ իսկը գտածո։ Նման գերազանց որակների համար ՀՀԿ-ն դարձյալ օթևան կտա Բաղդասարյանին՝ ընտրությունների բարեհաջող ավարտից հետո, իսկ հակառակ դեպքում՝ նրան կուղարկեն օթևանատուն՝ հո փողոցում չե՞ն թողնի․ չէ՞ որ նա ՀՀԿ-ի զավակն է՝ անօրինական կամ օրինական։
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Երևանում հնչել են կրակոցներ․ կա վիրավոր
Էս խայտառակ ընտրությունների արդյունքները լեգիտիմացնելու են ոչ թե էն մարդիկ, ում վիժվածքը ողջ գիշեր զ...
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
27/7 ընտրատեղամասում ԲՀԿ ստացել է 77 ձայն, ԿԸՀ կայքում նշված է 1 ձայն. ԲՀԿ-ն մի շարք ընտրատեղամասեր...
Արթուր Դավթյանի մայրը «լայքում է» Լևոն Քոչարյանին (լուսանկար)
