«ՉԻ». Եվ մի տանիր զմեզ ի բոյկոտ. մարմնական վնասվածքներ և սողոմոնական ախտ

«Չորրորդ իշխանություն» թերթը գրում է.

«Գուգարաց թեմի առաջնորդ Տեր Սեպուհ արքեպիսկոպոս Չուլջյանը Սուրբ Ծննդյան պատարագի ընթացքում հորդորել է, որ Վանաձորի քաղաքապետարանում ավագանին վերջապես հավաքվի և նվիրվի քաղաքի կառուցման սուրբ գործին:

«ՉԻ»-Վանաձորի քաղաքապետարանում այնպիսի իրավիճակ է, որ Եկեղեցու միջամտությունն իսկապես չէր խանգարի: Առավելևս, որ ավագանու ընտրությունների քարոզարշավի ժամանակ եկեղեցականներից մեկը նույնիսկ հալածանքների էր ենթարկվել (քրեական օրենսգրքում օգտագործվում է «միջին ծանրության մարմնական վնասվածքներ» բառակապակցությունը): Մի խոսքով՝ դեռ լավ է, որ Գուգարքի թեմը բանադրանքի չի ենթարկել Վանաձորի ավագանու նիստերը բոյկոտողներին:

Չնայած՝ եթե հաշվի առնենք այդ բոյկոտի պատճառները, և այն, թե ինչ հանգամանքներում է ընտրվել Վանաձորի քաղաքապետը, բարձրաստիճան հոգևորականն իր ելույթում պիտի պախարակեր սողոմոնական ախտը և ավագանու որոշ անդամների հորդորեր ձերբազատվել դրանից:

Բայց եկեղեցին, ինչպես հայտնի է, պետությունից անջատ է և քաղաքականությանը չի խառնվում»:

Մանրամասները՝ թերթի այսօրվա համարում