Վանաձորի հիվանդանոցում չեն ընդունել թևի կոտրվածքով 3-ամյա երեխային
Այն, որ Ամանորի գիշերն ու դրան հաջորդող մի քանի օրերին Շտապ օգնությունն ու, ընդհանրապես բժիշկները, պետք է աշխատեն և աշխատում են արտակարգ ռեժիմով՝ բոլորը գիտեն: Սակայն պարզվում է կան «կարգազանցներ», ովքեր արհամարհում են նախարարության հանձնարարականն ու մոռանում Հիպոկրատի իրենց երդումը:
Մասնավորապես Վանաձորի բժշկական համալիրում ամանորյա գինարբուքը կաթվածահար է արել տեղի բժիշկներին, մինչև իսկ այնքան, որ հիվանդանոցում այդ օրերին նույնիսկ հերթապահ բժիշկ չի գտնվել:
NEWSPRESS.am-ի զրուցակիցը պատմում է, թե ինչպես հունվարի 1-ին, իր 3.5 ամյա փոքրիկին կոտրված ձեռքով տարել է հիվանդանոց, սակայն այնտեղ երեխային չեն ընդունել, քանի որ հերթապահ բժիշկ չի եղել:
Հոր խոսքով, երեխային նախ տարել են ռենգեն հետազոտության, սակայն այնտեղ մասնագետ չի եղել, իսկ հերթախահ մասում նստած կինն էլ հորդորել է երեխային տանել «Նարեկ» մանկական հիվանդանոց: Բարեբախտաբար այս հիվանդանոցները գտնվում են կողք կողքի, բայց դժբախտաբար, այստեղ ևս բժիշկներ չեն եղել:
Ընդունարանում այդ պահին գտնվող մի բուժաշխատող հայտնել է, որ հերթապահ բժիշկ չունեն… ապա երեխայի հոր պնդումներից հետո՝ զանգահարել է մասնագետ մի բժշկի, ով, հավանաբար այդ պահին օղու շիշը ձեռքին, ծնողին խորհուրդ է տվել երեխային տանել ռենգեն հետազոտության: Այլ կերպ ասած՝ իր վրայից «ցրել է»՝ այդ պահին հիվանդանոց չգալու համար:
«Ախր ինչպե՞ս կարելի է ցավից մրմռացող երեխայի ծնողին նման բան ասել: Ախր Հիպոկրատի երդում տալուց առաջ չէի՞ք հիշում, որ պատասխանատու եք լինելու այդ սուրբ երդման առջև ողջ կյանքում: Ինչպե՞ս կարելի է Ամանորը պատճառաբանելով բարձիթողի վիճակում թողնել մի ողջ բաժանմունք»,-մեր հետ զրույցում վրդովված ու նեղսրտած ասաց հայրը:
Անտարբեր վերաբերմունքի արժանանալով Վանաձորի հիվանդանոցում՝ զայրացած ու վիրավորված ծնողները, երեխային հասցնում են Երևան....
«Երևանի բժիշկների համար Ամանոր չէ՞ր, որ անմիջապես երեխային տեր կանգնեցին ու համապատասխան բուժօգնություն ցուցաբերեցին»,-նկատում է փոքրիկի հայրը՝ հուսալով, որ պատկան մարմինները կզբաղվեն այս բարձրթողի վիճակով:
Ու քանի որ զայրացած հայրը բժիշկների անուն ազգանունները չեր հիշում՝ NEWSPRESS.am-ը փորձեց կապ հաստատել հերթապահ բաժանմունքի հետ և պարզաբանումներ ստանալ կատարվածի մասին: Սակայն, ինպես և սպասվում էր, պատասխանը անորոշ էր.
«Ազիզ ես չըգիդեմ էդ ինչ ա էղել, ուզո՞ւմ ես զանգի իրանց բաժանմունք…»,-ասաց մեր զրուցակիցը՝ չտրիապետելով տեղեկատվությանը, թե կոնկրետ ինչպե՞ս պետք է զանգել այդ բաժանմունք, երբ չկա հեռախոսահամար և միայն կարելի է զանգահարել տնօրենի ծառայողական համարով, որը չի պատասխանում:
Հիշեցնենք, որ Վանաձորի հիվանդանոցի հետ կապված այս դեպքը բժիշկների անտարբերության միակ դրսևորումը չէ: Միայն պարզ չէ, թե մինչև ե՞րբ պետք է շարունակվի այս բարձրթողի վիճակը ու դեռ քանի դժբախտ դեպք պետք է գրանցվի, որ առողջապահության նախարարությունը ի վերջո արձագանքի կատարվածին և, «բժշկին տված մաղարիչը օրինականացնելուց» բացի, մտածի նաև հատկապես շրջանների բուժհիմարկների աշխատողների «խելքը գլուխը բերելու» մասին:
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Երևանում հնչել են կրակոցներ․ կա վիրավոր
Էս խայտառակ ընտրությունների արդյունքները լեգիտիմացնելու են ոչ թե էն մարդիկ, ում վիժվածքը ողջ գիշեր զ...
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
27/7 ընտրատեղամասում ԲՀԿ ստացել է 77 ձայն, ԿԸՀ կայքում նշված է 1 ձայն. ԲՀԿ-ն մի շարք ընտրատեղամասեր...
Արթուր Դավթյանի մայրը «լայքում է» Լևոն Քոչարյանին (լուսանկար)
