Տարո′ն, եղբա′յր, ձյուն է գալիս, սթափվի՛ր
Ձնամաքրման աշխատանքները` ձյան հենց առաջին տեղումների հետ, պետք է որ Երևանի քաղաքապետարանի ուշադրության ներքո լինեին, սակայն նույնիսկ այս ձյունառատ օրերին էլ ճանապարհների մաքրման գործը բարձիթողի, իսկ երթևեկությունը՝ կաթվածահար վիճակում է:
Այնպիսի տպավորություն է, որ քաղաքային իշխանությունն արդեն իսկ տոնական տրամադրության ու խրախճանքի մեջ է և մեկ շաբաթ շուտ ինքն իրեն արձակուդ է ուղարկել:
Նախատոնական եռուզեռի մեջ, քաղաքապետը կարծես թքած ունի, թե օրական քանի մարդ է սայթաքում սառած մայթերին, քանի մեքենա է բախվում` դարձյալ սառած փողոցների պատճառով ու քանի ժամ առաջ են մարդիկ տնից դուրս գալիս՝ խցանումներից խուսափելու և ժամանակին պահանջվող վայր հասնելու համար:
Ճիշտ է` հնարավոր է բոլորը նկատած լինեն, որ քաղաքի փողոցների տարբեր հատվածներում պտտվում են «Սանիթեք» ընկերության ձյուն մաքրող մեքենաները, բայց եթե նկատել եք՝ դրանք միայն պտտվում են, իսկ ավելի կոնկրետ՝ շրջում են քաղաքում՝ հավանաբար ցույց տալու համար, որ աշխատում են և կամ էլ, որ կան ձնամաքրող մեքենաներ, որոնք կարող են հրահանգի դեպքում նաև աշխատել… Իսկ հրահանգ տվող չկա: Ու չկա նաև մեկը, որ «կսթափեցնի» Տարոն Մարգարյանին տոնական տրամադրությունից ու կասի՝ «Տարո′ն եղբա′յր, ձյուն է գալիս, ճանապարհները մաքրել է հարկավոր, սիրուն չի…»:
Չկա «բզող», չկա խնդիր, ու քաղաքում տիրող քաոսային իրավիճակը շարունակվում է: Բայց որ ավելի վատ է՝ այս քաոսը շարունակվելու է նաև տոներից հետո, քանի որ այս դեպքում էլ Տարոն Մարգարյանին դժվար կլինի «սթափեցնել» հետտոնական գինարբուքից…
Հավանաբար, Տարոն Մարգարյանը հույսը դրել է եղանակի վրա, որը, սակայն, իր օգտին չէ, քանի որ օդերևութաբանների կանխատեսումներն այնքան էլ խոստումնալից չեն:
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Էս խայտառակ ընտրությունների արդյունքները լեգիտիմացնելու են ոչ թե էն մարդիկ, ում վիժվածքը ողջ գիշեր զ...
Երևանում հնչել են կրակոցներ․ կա վիրավոր
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
27/7 ընտրատեղամասում ԲՀԿ ստացել է 77 ձայն, ԿԸՀ կայքում նշված է 1 ձայն. ԲՀԿ-ն մի շարք ընտրատեղամասեր...
Արթուր Դավթյանի մայրը «լայքում է» Լևոն Քոչարյանին (լուսանկար)
