Ողբերգական ավտովթար Շիրակում. կան զոհեր և վիրավորներ (լուսանկարներ)

Դեկտեմբերի 25-ին` ժամը 14.39-ին ահազանգ է ստացվել, որ Թալին-Գյումրի ավտոճանապարհին տեղի է ունեցել ՃՏՊ. անհրաժեշտ է օգնություն:

Դեպքի վայր է մեկնել մեկ մարտական հաշվարկ:

Պարզվել է, որ Մ-1 ավտոճանապարհի Երևան-Գյումրի հատվածի 72-րդ կմ-ին բախվել են «ВАЗ-2107» մակնիշի 31 SL 056 պ/հ (վարորդ` 1978 թ. ծնված Մ. Ե.) և «Volkswagen Passat» մակնիշի 35 AT 480 պ/հ (վարորդ` 1984 թ. ծնված Ա. Խ.) ավտոմեքենաները:

Փրկարարները «ВАЗ-2107» մակնիշի ավտոմեքենայից դուրս են բերել և շտապօգնության մեքենային մոտեցրել ուղևոր 1964 թ. ծնված Թ. Կ. Ի-ին, վարորդին և ուղևոր՝ 1959 թ. ծնված Ս. Ե.-ի դին, իսկ «Volkswagen Passat» մակնիշի ավտոմեքենայից՝ վարորդին և ուղևոր՝ 1954 թ. ծնված Թ. Ա.-ին, վերջինս հոսպիտալացումից հետո Թալինի ԲԿ-ում մահացել է. մյուսները տեղափոխվել են «Էրեբունի» ԲԿ, որտեղ բժիշկները տուժածների առողջական վիճակը գնահատել են ծանր:

Լուսանկարները՝ Shamshyan.com-ի